तामाङ–नेपाली–अंग्रेजी यान्त्रिक दोःबा प्रणालीः ग्योइ प्रविधिरि छार क्रान्ति
तामाङ ग्योइदा नेपाली थेन अंग्रेजीरि यान्त्रिक दोःबाला लागि तिबा अन्तरक्रिया जिन्बा मुला । काठमाडौं विश्वविद्यालयला कम्प्युटर विज्ञान तथा इन्जिनियर विभागला इन्फरमेसन एन्ड ल्याङ्ग्वेज रिसर्च ल्याब (आइएलपिआरएल) से माघ ७ गते चु नुररि अन्तरक्रिया लाबा हिन्ना ।
विभागला प्रमुख प्राध्यापक डा. बालकृष्ण बलसे ‘इम्पावरिङ इन्फरमेसन एक्सेस राइट्स्–डेभलोपिङ अ ट्रिलेङ्ग्वेएल मेसिन ट्रान्जिसन सिस्टम फर इङलिस, नेपाली एण्ड तामाङ’ नुररि प्रस्तुति पिन्बान यान्त्रिक परियोनाफिरि प्रस्तुति पिन्बा मुबा । ललितपुर बालकुमारीरि मुबा केयुला स्कुल अफ मेनेजमेन्टला हलरि सोमबार प्रस्तुति पिन्बान प्राडा बलसे तिबारि एक लाख तामाङ छिग, एक लाख नेपाली छिग थेन एक लाख अंग्रेजी छिग लासि तीन लाख छिगला यान्त्रिक शब्दकोष स्होबा बिसि पाङ्जि । ल्होलो ताङरि परीक्षण लासि सरल थेन साझा छिगजुगुदा प्रयोगरि बाबा लासि गे तिसेला थेसे प्रासाल्जि ।
गुगलला अनुदानरि तिबा दोःबा परियोजना खाबा डिसेम्बर २०२५ दोनारि जिन्छेला आयोजकसे ग्रा पिन्जि । चुह्राङ्नोन लासि परियोजना लागि त्रिभुवन विश्वविद्यालय थेन काठमाडौं विश्वविद्यालयला सुताइ ह्रो मुबा प्राडा बलसे पाङ्जि ।
गेताङरि संघीय मामिला तथा सामान्य प्रशासन मन्त्रालयला छ्यागौराइ (सहसचिव) कविन्द्र नेपाल, तामाङ डाजाङला डिक्खेन इन्द्र तामाङ, पेमा मोक्तान, तामाङ अध्ययन प्रतिष्ठानग्याम उदय थिङ, तामाङ न्हाङ्खोरला निष्नु थिङ, इन्जिनियरिङ क्याम्पस पुल्चोकला अमन शाक्य, युएनडिपी एआई विभागला अमन श्रेष्ठला छ्याम एआइ थुमला खेन्पो थेन ग्योइखेन्पोजुगुसे बोकिन्मुबा ।
बोकिन्बाजुगुसे तामाङ ग्योइला लागि यान्त्रिक दोःबा आउदिन उपयोगी तासेला उल्लेख लाबान तामाङ समुदायरि मुबा ग्योइला ल्होलोदा सुताइ दुइबारि म्होइजेन लाबा मुबा ।
तपाईको प्रतिक्रिया दिनुहोस