सिन्धुली । १९ छा लोकतन्त्र दिङ्साङला दुइसाङरि मरिण गाउँपालिकासे द्धन्द पीडित दिमम्हे, द्धन्द पीडित बिजाबुमो थेन अभिभावक आरेबा बिजाबुमोदा न्होर बोठाबा मुला ।

पालिकाला चोहो प्रख्यात मुक्तानला आन्सार गेताङरि ४८ म्हे द्धन्द पीडित दिमम्हे, अभिभावक आरेबा ६० म्हे बिजाबुमो लोप्बोन थेन ७२ म्हे लोप्बोनकादेदा छात्रवृत्ति बोठाबा मुला ।

जनयुद्धला द्धन्द पीडित ४८ म्हे दिमम्हेदा म्हिदाङ्से २० हजार रुपैयाँ थेन दोसल्ला कुपिन्सि डेन लाबा मुबा । अभिभावक आरेबा ६० म्हे लोप्बोनकादेदा म्हिदाङसे २४ हजार रुपैयाँ न्होर बोठाबा मुबा ।

गेताङरि गाउँपालिका न्हाङ्ला लोप्खाङ थेन क्याम्पसरि डोबा लोप्बोनदा दाम्सि ७२ म्हे लोप्बोनजुगुदा छात्रवृत्ति बोठाबा मुला । गेताङरि ३ कक्षाला २५ म्हेदा म्हिदाङसे ५ हजार, ४ हेन्से ५ कक्षाला १२ म्हेदा ६ हजार, ६ हेन्से ८ कक्षाला १६ म्हेदा म्हिदाङ्से ७ हजार, ९ हेन्से १० कक्षाला १२ म्हेदा म्हिदाङसे ९ हजार ५ सय, ११ हेन्से १२ कक्षाला ७ म्हेदा म्हिदाङसे ११ हजारला दरसे न्होर बोठाबा मुबा ।

गेताङरि पालिका न्हाङ्ला स्नातक तह उतिर्ण लासि ब्रेल्साङ लाबा जामेकोला थेन ब्रेल्साङ आलाबा लोप्बोन जामेकोलाकादेदा १ लाख न्होर प्रोत्साहनला लागि पिन्बा मुबा ।

(छिगला अर्थः दिङ्साङ– दिवस, दुइसाङ– अवसर, बिजाबुमो– बालबालिका)