याम्बु । ह्योन्जन ग्युबा छोक्पाला सोम्छा दिङसाङजोम्ना थुम्बा मुला। नाम्दुङ ङ्हया (चैत्र ३०) कुनु याम्बुला सामाखुशीरि ताबा गेताङरि ‘ह्योन्जन ग्युबा फोला छ्योत्पा थेन ऐतिहासिक जोम्ना’ मिनला वृत्तचित्र उन्बाला छ्यामरि छोक्पासे तेबा स्मारिका नोन ठोङसेङ लाबा मुबा । 

गेताङरि छोक्पाला ह्रोम्हि बौद्धनाथ क्षेत्रविकास समितिला छार गे काठाक्पा (कार्यकारी निर्देशक)रि नियुक्ति ताबारि मोहन कुमार तामाङ (ह्योन्जन)दा डेनस्योग्याम डेन थेन बधाई फुल्बा मुबा । 

थेराङनोन लासि छोक्पाला ग्रेन गाउराइ डा. कुन्साङ ह्योन्जनसे प्रगति प्रतिवेदन थेन इन्जिनियर देवराज योन्जनसे आर्थिक प्रतिवेदन थान्बा मुबा । 

ह्योन्जन ग्युबा छोक्पाला चोहो महेन्द्रजंग तामाङला चोहोदनरि ताबा गेताङरि ग्रोइपा सिताराम तामाङ, डा. गणेश योन्जन, परशुराम तामाङ,कार्साङ लामा, बौद्धनाथ क्षेत्रविकास समितिला छार गे काठाक्पा मोहनकुमार तामाङ, ह्योन्जन ग्युबा छोक्पाला ह्रोचोहो पुण्यबज्र लामा, मुल्मि कुमार ह्योन्जन, लिसंखु पाखर नाम्सापालिका वडा–२ ला चोहो विजय योन्जनलगायतसे ज्याबाम्हान्बा छ्यामरि सुझाव थेन तिलाइ प्रतिवद्धता ल्हेङ्मो थान्बा मुबा ।