सिन्धुपाल्चोक । नेपाल तामाङ संघ, सिन्धुपाल्चोक जिल्लाला चोहोरि क्षेत्रबहादुर तामाङ निर्वारोध निर्वाचित ताबा मुला । नेपाल तामाङ संघ नेपाली कांग्रेसला भातृ संगठन हिन्ना ।

चैत्र २१ गते ताबा गिक्छा जोम्नासे १७ म्हेला जिल्ला कार्यसमिति स्होबा मुला ।

छार कार्यसमितिला ह्रोचोहोजुगुरि बिरबहादुर तामाङ पाख्रिन थेन वीरबहादुर स्याङतान दाम्बा मुला ।

गाउराइरि बिक्रम बहादुर तामाङ, छ्या–गाउराइरि तेजबहादुर तामाङ थेन रत्न सागर तामाङ, न्होरचोहोरि सेर बहादुर तामाङ दाम्बा मुला ।

कार्यसमितिला ह्रोम्हिजुगुरि सुमित्रा तामाङ, कामना तामाङ, रेशम बहादुर तामाङ, सन्तोष तामाङ, सचिन तामाङ, राजुु तामाङ, बिराज तामाङ, जमुना तामाङ, सुनमाया तामाङ, पदम बहादुर तामाङ दाम्बा मुला ।

क्षेत्र नम्बर १ ग्याम केन्द्रीय प्रतिनिधिजुगुरि क्षेत्रीय चोहो कमल ध्वोज लामा, रत्न  सागर  लामा, सुशील तामाङ, सिर्जना तामाङ दाम्बा मुला । चुह्राङ्नोन लासि प्रदेश (क)ला संयोजक राजु लामा, बिरुम  तामाङ दाम्बा मुला ।

चुह्राङ्नोन लासि क्षेत्र नम्बर २ ग्याम केन्द्रिय प्रतिनिधिजुगुरि क्षेत्रीय चोहो बिकास लामा, फुर्पा  तामाङ, बिर बहादुर तामाङ, अष्ट माया  तामाङ, मिग माया तामाङ दाम्बा मुला ।

प्रदेश १ (ख )ला संयोजक पेम्बा लामा, बागमती प्रदेश प्रतिनिधिजुगुरि हस्ता बहादुर तामाङ, राज कुमार तामाङ, ईन्द्र बहादुर तामाङ, समिर तामाङ, साली तामाङ दाम्बा मुला ।

चुह्राङ्नोन लासि प्रदेश २ (क)ला संयोजक निमा ग्याल्बो लामा दाम्बा मुला बिसाम बागमती प्रदेश प्रतिनिधिजुगुरि सुकु बहादुर तामाङ, जन बहादुर तामाङ, सुकुमान तामाङ, पञ्च बहादुर तामाङ, लक माया तामाङ, सञ्जु तामाङ दाम्बा मुला ।

जोम्ना नेपाली कांग्रेस पार्टीला सिन्धुपाल्चोक जिल्ला सभापति जंगबहादुर तामाङला ग्रेनडोन्बो थेन तामाङ संघला केन्द्रिय ह्रोम्हि ओसेम बागमती प्रदेश संयोजक बिलाम मुक्तानला प्रतिनिधित्वरि ताबा मुबा ।

गेताङला डोन्बोजुगुरि मेलम्ची नगरपालिकाला मेयर आइतसिंह तामाङ, नेपाली कांग्रेस महासमिति ह्रोम्हि वंशलाल मोक्तान, शिव सुनार, अग्रज नेताजुगु, पार्टीला जिल्ला पदाधिकारीजुगु, क्षेत्रीय प्रदेश भातृ संगठनला नेताजुगु, जिल्लाला मुतेबा स्थानीय तहला तामाङ प्रतिनिधिजुगु मुबा ।