नुवाकाटे । सुर्यगढी गाउँपालिका वडा नं. १ लच्याङ ल्हुइथाङ चौकीरि ताबा निशुल्क स्वास्थ्य शिविररि १ सय १५ म्हे म्रिङकोलासे सेवा किन्बा मुला ।

चु शिविर जिल्ला जनल्हुइथाङ गेदिम नुवाकोटला ङ्योइसाङ थेन सुर्यगढी गाउँपालिका वडा नं. १ थेन लच्याङ ल्हुइथाङ चौकीला ह्रोरि ताबा मुबा ।

सुर्यगढी गाउँपालिकाला ल्हुइथाङ शाखाला समन्वयरि ‘म्रिङकोलाकादेरि ताबारि खाम्बा प्रजनन ल्हुइथाङ थेन चेक जाँच सम्बन्धी निशुल्क ल्हुइथाङ शिविर’ ताबा हिन्ना । शिविर रे गिला मुबा ।

लच्याङ ल्हुइथाङ चौकी डिछ्या समितिला चोहो राजकुमार तामाङ (रन्जित)ला चोहोदानरि ताबा चु शिविररि सुर्यगढी गाउँपालिकाला चोहो सन्तबहादुर घले तामाङ ग्रेनडोन्बो मुबा ।

शिविररि जिल्ला जनल्हुइथाङ गेदिम नुवाकोटला प्रमुख, विशेषज्ञ डाक्टरजुगुसे नोन बोकिन्बा मुबा ।

चु तामसोर थेन फोटो ङान्छे रविन्द्र गोले तामाङला फेसबुक वालग्याम्से किन्बा हिन्ना ।