नेपाल तामाङ घेदुङ, साईप्रसला १६ मार्च २०२५ रि ताबा ब्लिछा अधिवेशनसे प्रदीप ग्लान तामाङला चोहोदानरि छार कार्यसमिति स्होबा मुला ।

छार कार्यसमितिला वरिष्ठ ह्रोचोहोरि नानी माया मोक्तान, ह्रोचोहोजुगुरि विजय स्याङ्बो तामाङ थेन गंगा माया तामाङ, ग्रेनगाउराइरि युवराज सिङ्तान तामाङ मुला ।

गाउराइजुगुरि अजय राज मोक्तान थेन मौसमी तामाङ, न्होरचोहोरि कमला दोङ तामाङ, छ्या–न्होरचोहोरि अरुण दोङ तामाङ मुला । 
ठ्वाङ्बा आवेदनग्याम आवेदन भरतिसि ४६ म्हे ह्रोम्हि वाङ्बा मुला ।

‘तामाङ जातिला उत्थान, ग्योइ, धर्म थेन सांस्कृतिक संवर्धन’ बिबा नारादा सेमरि किन्सि २३ अक्टोर २०१६ रि नेपाल तामाङ घेदुङ, साईप्रस स्हेङ्बा मुबा ।

ब्रिटिस गोर्खारि गे लाबा अमृत मोक्तान तामाङला ग्रेनडोन्बोरि ताबा चु अधिवेशनला डोन्बोजुगुरि गेन्दुनला ग्रोइपा अन्जु तामाङ, ह्रोम्हि हिरादेवी बोम्जन मुबा ।

अधिवेशन स्हेङ्खेन ग्रेनगाउराइ माया लोप्चन तामाङला चोहोदानरि ताबा मुबा ।