उर्जा जलस्रोत थेन सिंचाई राज्यलोन्पो पूर्णबहादुर तामाङ (कान्छाराम)से कुलमान घिसिङदा सरकारसे ब्याङ्ला आदे बिसि अडान थान्बा मुला ।

आदिवासी जनजाति पत्रकार महासंघ बागमती प्रदेशला अधिवेशनदा गृह जोङ रामेछापरि ठ्वाङ्सेन लाबान लोन्पो तामाङसे ज्याबा गे लाना लानान सरकारसे कुलमानदा आतोबा दुःख पिन्बा बिसि पाङ्बा मुबा । थेसे बिजि, ‘ङादा खाजिबाइ पदला म्लिक्का (लोभ) आरे । तासाइ, गे लाबा म्हिदा ह्रो लातोला । थेतासि कुलमानदा गे लाबारि पिन्तोला, ब्याङ्बा आहिन ।’

थेसे बाङ लासि पाङ्जि, ‘गे लाबा म्हिदा कुटिसि गे लाबारि पिन्तोला । कुलमानदा उर्जालोन्पो दिपक खड्कासे रेम रेम स्पष्टिकरण ङ्योइबा बेकार हिन्ना ।’

गेताङरि सरकाररि चिबाजुगुसे इमानदार तासि गे लाजि बिसाम ह्युल विकास ताबारि दुइ ल्हागआति बिसि थेसे पाङ्जि ।