पारिजात स्मृति केन्द्रसे ‘पारिजात डेन– २०८१’ घोषणा लाजि
ब्रिखेन बिना थिङ तामाङदा पारिजात सृजन डेन
याम्बु । पारिजात स्मृति केन्द्रसे ‘पारिजात डेन– २०८१’ घोषणा लाबा मुला । केन्द्रसे पारिजातला डान्बारि दिङ्दाङ्से चु डेन गेताङ लासि खाबा मुला ।
चुपाल्छे पारिजात बिजाग्योइकाइ डेन दाम्बा समिति, पारिजात कला डेन दाम्बा समिति, पारिजात सृजन डेन दाम्बा समिति थेन पारिजात संघर्षशील जामेकोला डेन दाम्बा समितिसे ह्राङ्ह्राङ्ला समितिरि मुबा दाम्बा मापदण्ड न्हाङरि चिसि २०८१ दिङरि डेन लासेला प्रतिभाजुगुला मिन घोषणा लाबा मुला ।
स्मृति केन्द्रला ग्रेनगाउराइ दिलसुन्दर श्रेष्ठला आन्सार पारिजात बिजाग्योइकाइ डेन बिजाग्योइकाइ ब्रिखेन तेजप्रकाश श्रेष्ठ, पारिजात कला डेन चित्र थेन मुर्तिकार उत्तम डंगोल, पारिजात सृजन डेन बिना थिङ थेन पारिजात संघर्षशील जामेकोला डेन डा. विन्दा पाण्डेदा पिन्बा घोषणा लाबा मुला ।
वि.सं. २०८२ दिङ वैशाख ५ गतेकुनु पारिजात स्मृति दिवसरि चु डेन पिन्सेला मुला ।
डेन गेताङला छ्याम परिसंवाद गेताङ नोन तासेला मुला । चुपाल्छे ‘डा. तुलसी भट्टराईतेन महेश मास्के पारिजात परिसंवाद’ला गेताङ मुला ।
तपाईको प्रतिक्रिया दिनुहोस