नुवाकोट । सूर्यगढी गाउँपालिका वडा नं. १ से बेने २४ गते ११५छा स्यानह्युल (अन्तर्राष्ट्रिय) जामेकोला दिवस ल्होलो गेताङ स्हेङ्सि दाङ्सेला ग्रा मुला ।

वडाचोहो राजकुमार तामाङसे जारी लाबा ग्रा आन्सार ‘मोक्कोन जामेकोला ओसेम बिजाबुमोला लागि याङ्ताम, च्योच्यो थेन सशसक्तीकरण’ बिबा नारादा व्यवहाररि लागू लाबारि चु गेताङ स्हेङ्बा हिन्ना ।

गेताङ २४ गते कामरेकुनु स्ह्योला ११ ङ्ह्यामाहेन्से १ नम्बर वडा गेदिम, सोलामानेरि तासेला मुला । गेताङ ठ्वाङ्सेन लाबा ङ्हाच्छा र्यालीसे बजार कोर्सेला मुला ।

चु लिच्छा वडा न्हाङरि मुबा फेबा बाल क्लब स्तरीय वक्तृत्वकला, म्रिङ्कोला कुर्सी छ्योङ्बा, म्रिङ्कोला दार्बुङ फोबा प्रतियोगिता तासेला मुला ।

ल्होलो सांस्कृतिक गेताङला छ्याम ङ्यासे वडा गेदिमरि नाङ्साल म्रासि गेताङ थुम्ना लासेला मुला ।