नेपाल तामाङ घेदुङ, दक्षिण कोरिया केन्द्रसे २८ जनवरी २०२५ मंगलबारकुनु ल्होछार गेताङ ङ्योइसाङ लाबा मुला । चुपाल्छेला गेताङरि सांस्कृतिक गेताङला छ्याम छ्याम ग्योइकाइ गेताङए तासेला ग्रा गेन्दुनसे सार्वजनिक लाबा मुला ।

गेताङरि बो किन्सेलाजुगुसे ह्राङ्ह्राङ्ला ह्वाइखा, गजल, मुक्तक, हाइकुला छ्याम मिन दर्ता लाबारि घेदुङला गेताङ आयोजकसे म्हेइजेन लाबा मुला । रचनाजुगु आदिवासी मुद्दा, केवा, चेगाइ, प्रवासला अनुभूति फिरि ब्रितोबा ताम स्योमि अमरि योन्जनसे ह्राङ्ला फेसबुकरि पोष्ट लाबा मुला ।

घेदुङ दक्षिण कोरियासे ल्होछारला सांस्कृति गेताङ दीर्घकालीन शैक्षिक कल्याण कोषदा ह्रो ताना लाबाला लागि स्हेङ्बा लामुला । 
चुपाल्छेला गेताङरि नेपालग्याम ङ्योइबा कलाकारजुगु काइपा विश्व दोङ, काइमो जितु लोप्चन, खान्दोके काइपा आस्मान लोप्चन, काइपा सुरेश लामा थेन म्हेन्दोमाया काइपा कृति गोम्जा तामाङसे ह्वाइ कोसेला मुला । कोरियारिन मुबा कलाकारजुगुसे नोन ह्राङ्ह्राङ्ला प्रस्तुती थान्सेला ग्रा मुला ।

गेताङ २८ जनवरी २०२५ मंगलबार कुनु रेला ३ः३० हेन्से म्हुनाला १० ङ्ह्याते दोना लासेला मुला । HW Convention Hall 컨벤션센터 사울특별시 종로구 자하문로 255(부암동 165-3). बिबा ग्लारि तासेला चु गेताङ्दा दोङ्देमुनग्याम बसला डिछ्या मुला ।