तामाङ समाज कतारसे ह्रापह्रुप थेन डेन गेताङ स्हेङ्जि
संयोजक चित्र लामा तामाङ थेन छ्यासंयोजक भिमबहादुर मम्बा तामाङसे थुजेछे पिन्जि
कतार । नेपाल प्रवासी तामाङ समाज कतारसे बेने (फागुन) १७ गते ह्रापह्रुप थेन डेन गेताङ स्हेङ्जि ।
‘तामाङ जातिला पोबा, शैक्षिक थेन न्होर सुदृढीकरण’ बिबा मुल नाराला छ्याम सन २००५ रि स्हेङ्बा तामाङ समाज कतारसे सन ३१ जनवरी २०२५ शुक्रबारकुनु मन्जुश्री सम्वत २८६१ सोनाम ल्होछारला दुइसाङरि ‘बृहत सांस्कृतिक गेताङ’ लाबा मुबा ।
संयोजक चित्र लामा तामाङला आन्सार चु गेताङ सांस्कृतिक गेताङ सफल ताना लाबारि ज्याबा भुमिका क्लाङ्बा प्रायोजक, ह्रो लाबा गेन्दुनजुगु, स्योमिला छ्याम ल्होलो थुमला व्यक्तित्जुगुदा थुुजेछे पिन्बा थेन डेन लाबारि स्हेङ्बा हिन्ना । गेताङरि ग्रोइपा (सल्लाहकार) क्योङ्दा डेनस्यो थेन दोसल्ला न्हान्सि ओसेम कलाकारजुगुदा चेगाइला चिनो थेन डेनस्यो पिन्सि डेन लाबा मुबा ।
सहसंयोक भिमबहादुर मम्बा तामाङला आन्सार गेताङ नेपाल आदिवासी जनजाती महासंघ कतारला चोहो डिएन मगरला ग्रेनडोन्बोरि ताबा मुबा । ग्रेनडोन्बो मगरसे तामाङ समाज कतारसे कताररि मुबा तामाङ ज्योज्योआले नानाआङादा गिक्खे ग्लारि बासि तामाङ कला, रिमठिम, ग्योइदा सोना छार्ना लाबारि ज्याबा गे लाबा बिसि प्रशंसा लामुबा ।
गेताङरि कलाकारजुगुसे तामाङ सेलो व्हाइ कोसि सांस्कृतिक प्रस्तुती नोन उन्बा मुबा ।
गेताङरि तामाङ समाज कतारला संरक्षक शंखलाल तामाङ, लामा गुरुला छ्याम नेपाली समुदायला प्रतिनिधि, समाजसेवी, बुद्धिजीवितेन ल्होलो व्यक्तित्वजुगुसे बोकिन्बा मुबा ।
सुवास तामाङला सभापतित्वरि ताबा चु गेताङला सहजीकरण ग्रेनगाउराइ श्री पाख्रिन तामाङसे लाबा मुबा बिसाम डेन सेमताम गिक्छा ह्रोचोहो आशिस मोक्तान तामाङसे थान्बा मुबा ।
गेताङरि भाग्यशाली उपहार चिठ्टा ठ्वाङ्बा मुबा । चिठ्ठा संयोजक ह्रोचोहो मोइराम तामाङसे डाबाजुगुला मिन घोषणा लाबा मुबा ।
भाग्यशाली चिठ्ठाला गिक्छा पुरस्कार रितिक तामाङसे म्हार (टिकट न. ००००७०मोबाईल न. ३३०९८८०९), ङ्हीछा पुरस्कार प्रेम लिम्बुसे आइ प्याड (टिकट न. ०१०७० मोबाईल न.७०६८४१४०), सोमछा पुरस्कार Francis Reqlezaसे मोबाइल (टिकट न. ००४८३ मोबाईल न. ३३८४७२१४) डाबा मुला ।
सान्त्वना पुरस्कार स्मार्ट घडी गोर ङ्हादा (क बिस्नु दमाई टिकट न. ००७५२ मोबाइल न. ५५५९८८३२), (ख अशोक आले मगर, टिकट न. ०११४५ मोबाईल न. ३१०१०४४०) (ग किराया साख कतार, टिकट न. ०१२८६ मोबाईल न. ५५९८२३८४ (घ बिस्नु सुनुवार , टिकट न. ०१२५५ मोबाईल न. ३११६३९७३ (ङ बिनोद गोले, टिकट न. ०११८२) से डाबा मुला ।
२८६१ छा सोनाम ल्होछारला क्योइतामरि मोक्कोनसे ल्होछाररि क्लाङ्बा भुमिकादा किन्सि स्थानीय कलाकारला प्रसंशा थेन ङ्योइसाङ टिमदा थुजेछे पिन्बा मुबा ।
तपाईको प्रतिक्रिया दिनुहोस