यामबु । नेपाल तामाङ महिला घेदुङला ङिसछा महाधिवेशनसे दोसि संगीता बम्जन तामाङला चोहोदानरि छारकार्यसमिति स्होबा मुला ।

बेने १७ गते कामरेकुनु ताबा महाधिवेशनसे वरिष्ठ ह्रोचोहोरि शर्मिला ग्लानदा दाम्बा मुला बिसाम ह्रोचोहोजुगुरि प्रतिमा बम्जन, सिर्जना थिङ, गंगा योन्जन, प्रमिला वाइबा, आइतीमाया तामाङ थेन सुनिता थिङ सर्वसम्मत दाम्बा मुला ।

कार्यसमितिला ग्रेनगाउराइरि मायालु ङेसुर, गाउराइजुगुरि हिराकुमारी तामाङ थेन बरी बल तामाङ, न्होरचोहोरि तिर्थकुमारी लामा (रोजिना), छ्यान्होरचोहोरि मन्जु लामा दाम्बा मुला ।

कार्यसमितिला ह्रोम्हिजुगुरि सरु तामाङ, लोम्साङ ब्लोन, लिलामाया तामाङ, टिकामाया तामाङ, दुर्गामाया तामाङ, निर्मला तामाङ, भागवती तामाङ, लालमाया तामाङ, आयुष्मा तामाङ, फुलमाया तामाङ, गोमाकुमारी तामाङ, विष्णु कुमारी मुक्तान, मिना लामा थेन मिना तामाङ दाम्बा मुला ।

महाधिवसनला ठ्वाङ्सेन बागमती प्रदेशला उद्योग, वाणिज्य, भूमि तथा प्रशासन लोन्पो शुकमाया तामाङसे लाबा मुबा । 

नेपाल तामाङ महिला घेदुङ, नेपाल तामाङ घेदुङला भातृ गेन्दुन हिन्ना । 

 गेताङरि नेपाल तामाङ घेदुङला छ्याचोहो कुमारसिंह घिसिङ, ह्रोचोहो सन्चु ब्लोन, ङ्हाच्छाला कृषि राज्यलोन्पो ओसेम बागमति प्रदेशसभा ह्रोम्हि राधिका तामाङ, संविधानसभा ह्रोम्हि शान्ति पाख्रिन, महिला घेदुङला स्हेङ्खेन चोहो स्टेला तामाङ, ङ्हाच्छाला चोहो सोनी लामासे ज्याबाम्हान्बा पिन्बा मुबा ।

थेन्से तामाङ जामेकोलाजुगुसे सांस्कृतिक, ग्योइतेन राजनीतिक याङ्तामला लागि काइ थितोबा तामरि बाङ पिन्बा मुबा ।