सिन्धुली । श्री मावि मरिण हायुटारला ङ्हाच्छाला लोप्बोन समाजला बेने (फागुन) १६ रि गिक्छा अधिवेशनसे सुवास वाईबाला चोदोदानरि २१ ह्रोम्हि कार्यसमिति स्होबा मुला ।

बागमती प्रदेशसभा ह्रोम्हि क्षेत्रबहादुर बोम्जनला ग्रेनडोन्बोरि ताबा चु जोम्ना ङ्हाच्छाला लोप्बोन समाजला तदर्थ समितिला चोहो दिनेशकुमार लोला चोहोदानरि ताबा मुबा ।

गेताङरि विशिष्ट डोन्बोजुगुरि घ्याङलेख गाउँपालिकाला चोहो जगतबहादुर भोलन, घ्याङलेख गाउँपालिका वडा नम्बर २ ला वडाचोहो ओसेम पालिका प्रवक्ता रोशनकुमार भ्लोन, मा.वि. मरिण हायुटारला प्रधानाध्यापक विजयकुमार थिङ मुबा ।

सुवास वाईबाला चोहोदानरि स्होबा चु कार्यसमितिला वरिष्ठ ह्रोचोहो केशव खड्का, ह्रोचोहोजुगुरि रोशनकुमार भ्लोन, युनिस स्याङ्तान मुला ।

कार्यसमितिला गौराइरि प्रमिलाकुमारी वाईबा, छ्यागौराइरि पशुपति सुनुवार, न्होरचोहोरि विर्खबहादुर वाईबा मुला ।

कार्यसमितिला ह्रोम्हिजुगुरि नम्रता थामी, निसान्त सुनुवार, सुब्बलाल वाईबा, सिसम चुमी मगर, मुना सुनुवार, यमकुमारी वाईबा, नैनबहादुर सुनुवार, जनककुमार बज्यु, योगबहादुर सुनुवार, अभिनाश योञ्जन, फूलकुमार सुनुवार, सरिता थोकर थेन निमिसा पुलामी मुला ।

गेताङला दुइसाङरि लोप्खाङला डा (कक्षा) १–५ ला प्राङ्बो थेन जेहेन्दार लोप्बोनजुगुदा झोलाला छ्याम शैक्षिक सामाग्री बोलाबा, ल्होलो म्हिजुगुदा चेगाइला चिनो पिन्सि डेन लाबा मुबा ।