छ्योर्तेन टासी तामाङ गोन्बो नयाँबस्ती बौद्ध, याम्बुला च्युइछा साधारण सभा थुम्बा मुला । तापा ला छेपा ङ्हा (पुस २०) कुनु ह्राङलान गेदिम नयाँबस्तीरि गेताङ थुम्बा हिन्ना ।
गेताङदा ग्रेन डोन्बो गोकर्णेश्वर नगरपालिकाला मेयर दिपक कुमार रिजालसे छ्योइमे म्रासि ठोङस्हेङ लास्ह्युबान तामाङ गोन्बोला लागिरि तिलाला रेरिनोन् ह्रो लासिन चिबा मुला बिसाम खाबा रेरिनोन खाम्देदोनाला ह्रो लासेला ल्हेङमो थान्स्युबा मुबा । गेताङरि गोन्बोला ग्रेन गाउराइ हिरा बहादुर लामासे वार्षिक प्रगतिप्रतिवेदन थान्स्युबा मुबा । थेराङनोनलासि न्होरचोहो सरस्वती लामासे आर्थिक प्रतिवेदन थान्स्युबा मुला बिसाम गोन्बोला चोहो हरिबहादुर लामासे गोन्बोसे खाबा रेरि लासेला गेकादेला कार्ययोजना प्रस्तुत् लास्युबा मुबा । थे प्रतिवेदनकादे साधारण सभाग्याम पास लाबा मुबा ।
गेताङरि गोकर्णेश्वर नगरपालिकाला उप–मेयर सान्नानी लामा, गोकर्णेश्वर नगरपालिका वडा नं. ६ ला चोहो नवराज लामा, बौद्धनाथ क्षेत्रविकास समितिला चोहो राज कुमार लामा, गोन्बोला ग्रोइबा मानबहादुुर योन्जन, गोन्बोला कानुनी ग्रोइबा शम्भु गोले, बौद्ध धर्म दिप छ्योर्तेनला चोहो टेकराज मोक्तान, खान्डोमा म्हाणिपा आमा समुहला चोहो मीना लामालगायतसे ज्याबाम्हान्बा ल्हेङ्मो थान्स्युबा मुबा ।
तपाईको प्रतिक्रिया दिनुहोस