नेपाल तामाङ घेदुङ, साउदी अरबसे ल्होछारला दुइरि स्हेङ्बा सांस्कृतिक गेताङरि ह्रोलाबाजुगुदा डेनस्यो पिन्सि डेन लाबा मुला । रियादला एक्जिट १८ ला स्तरहा हललरि १४ तारेख शुक्रबारला रे चिसाङ चिबा मुबा ।

घेदुङ साउदीला चोहो अमृत घिसिङ तामाङला आन्सार २४ जनवरी २०२५ रि ताबा २८६१ डुल (सापुख्रि) सोनाम ल्होछार थेन ग्रेन सांस्कृतिक गेताङला क्योइताम थेन डेन गेताङ ताबा हिन्ना ।

नेपाली राजदूतावास रियादला तृतीय, गौराइ दिनेशप्रसाद सिवाकोटीला ग्रेनडोन्बोरि ताबा चु गेताङ घेदुङ साउदीला चोहो अमृत घिसिङ तामाङला चोहोदानरि ताबा मुबा ।

चिसाङरि रियादरि मुबा ल्होलो गेन्दुनजुगुला प्रमुख थेन प्रतिनिधि, बुद्धिजीवी, समाजसेवीजुगुसे बोकिन्बा मुबा ।

चिसाङरि ल्होछार गेताङदा उत्कृष्ट, सभ्य, भव्य लिरि  सफल  ताना लाबारि न्होर, भौतिक, नैतिक लिरि ह्रोलाबाजुगुला छ्याम स्थानिय कलाकारजुगुदा डेनस्यो पिन्सि डेन लाबा मुबा ।

चोहो अमृत घिसिङ तामाङसे ल्होछार गेताङ सफल ताना लाबारि ज्याबा भुमिका क्लाङ्बा मोक्कोनदा थुजेछे फुल्बा मुला ।