नुवाकोट । घोल्मा घ्याङ गुम्बा ककनीसे मन्जुश्री सम्वत २८६१ डुल (सापुख्रि) ल्होला सोनाम ल्होछारला दुइसाङरि बेने १० गते कामरेकुनु ल्होछारला ज्याबाम्हान्बा किन्बापिन्बाला छ्याम सांस्कृतिक गेताङला ङ्योइसाङ लाबा मुला । चु घ्याङ गुम्बा १ सय ९४ दिङ खेबाः (पुरानो) हिन्ना ।

गेताङ ककनी गाउँपालिका वडा नं. ६, गुम्बाला ख्राङ्गारि स्ह्योला १० ङ्ह्यामाहेन्से तिसेला ग्रा मुला ।

बागमती प्रदेशला मुख्यलोन्पो बहादुरसिंह लामाला ग्रेनडोन्बोरि तासेला चु गेताङरि विशेष डोन्बोजुगु माननीय राधिका तामाङ, माननीय रमेश महत मुला ।

गेताङरि काइपाजुगु विश्व दोङ, विजय लामा, कुलेन्द्र विश्वकर्मा, दर्शन लामासे व्हाइ कोसि मनोरन्जन पिन्सेला मुला बिसाम मोडल सुनिता वाईबा, अनिता तामाङ नेगी, हास्यकलाकार दिनेश तामाङ, स्थानीय कलाकार अर्पण लामातेन स्यान्दो कलाकारजुगुसे ह्राङ्ह्राङ्ला प्रस्तुती उन्सेला मुला ।

घोल्मा घ्याङला डिछ्यारि तासेला चु गेताङरि ककनी वडा नं. ६ ला छारिब्योनजुगु, नाङ्साल समाज युबा क्लब, तामाङ समुदाय पन्चे बाजा ककनी ६, स्याखुसे ह्रो लाबा मुला ।

गेताङर चिरायु अस्पतालला ह्रोरि निशुल्क ल्हुइथाङ (स्वास्थ्य) शिबिर नोन थान्बा मुला ।