काभ्रे । ल्होछार कार्यक्रम व्यवस्थापन समितिसे पाँचखाल नगरपालिका वडा नं. १, अनेकोटरि तिनि ल्होछार गेताङ स्हेङ्जि । मन्जुश्री सम्वत २८६१ डुल ल्हो (सापुख्रि) ल्होला सोनाम ल्होछारला दुइसाङरि चुरि सांस्कृतिक गेताङ स्हेङ्बा हिन्ना ।
संघीय सांसद मिना तामाङ (रन्जिता)ला ग्रेनडोन्बोरि ताबा चु गेताङरि विशेष डोन्बो नेपाल तामाङ घेदुङला ङ्हाच्छाला ग्रेनगौराइ काजीमान थिङ, तामाङ राष्ट्रिय मुक्ति मोर्चा नेपालला केन्द्रीय ह्रोम्हि आइतसिं दोङ, नेपाल तामाङ घेदुङ संघीय ह्रोम्हि फुर्साङ मोक्तान, घेदुङ जिल्ला चोहो राजकुमार ब्लोनतेन स्यान्दो गेन्दुनजुगुला प्रतिनिधिजुगु मुबा ।
फुर्साङ मोक्तानसे ह्राङ्ला फेसबुक वालरि थान्बा ग्राआन्सार गेताङरि ल्होलो कलाकारकादेसे ह्राङ्ह्राङ्ला प्रस्तुती उन्सि बोकिन्बाजुगुला सेम छुना लामुबा ।
तपाईको प्रतिक्रिया दिनुहोस