नेपाल तामाङ घेदुङ इजरायलसे मन्जुश्री सम्वत २८६१ डुल (सापुख्र) ल्होला सोनाम ल्होछार ‘सांस्कृतिक गेताङ– २०२५’ स्हेङ्सि भव्य लिरि दाङ्बा मुला ।
गेताङरि १४ फेब्रुअरी शुक्रबार ङ्यासे याद्खारुचिम–१५ तेलअभिवरि लामा गुरुजुगुग्याम छ्योकुलासि ज्याबाम्हान्बा किन्बापिन्बाला छ्याम ल्होलो सांस्कृतिक गेताङ उन्बा मुबा ।
नेपाल तामाङ घेदुङ इजरायलला चोहो मदनकुमार तामाङ नेगीला चोहोदानरि ताबा गेताङरि नेपाली दुतावास इजरायलला महामहिम राजदुत प्राध्यापक धनप्रसाद पण्डित ग्रेनडोन्बो मुबा ।
गेताङरि नेपाल आदिवासी जनजाति महासंघ इजरायलला चोहो मुनु श्रेष्ठ, नेपाल तामाङ घेदुङ इजरायलला संरक्षक परिषद ह्रोम्हि ओसेम संघीय परिषदला केन्द्रीय ह्रोम्हि सुन्दरसिंह योन्जन तामाङ विशेष डोन्बो मुबा ।
गेताङरि नेपाल तामाङ घेदुङ इजरायलदा ल्हेना छार्ना लाबारि सातान ह्रोलाबाजुगुदा कदर लासि गेन्दुनला ङ्हाच्छाला चोहो ओसेम दातेला संरक्षक परिषदला ह्रोम्हिजुगु शंकर गोले तामाङ, नानीमाया योन्जन तामाङदा दोसल्ला कुसि डेनस्यो पिन्सि डेन लाबा मुबा ।
गेताङरि घेदुङ इजरायलसे स्हेङ्बा शैक्षिक कोषदा न्होर ह्रोलाबा नेफिन इजरायलला चोहो मनु श्रेष्ठ, बिमला श्रेष्ठ, तमु समाज इजरायलला छ्यागौराइ खोप्स तमु, ह्रोम्हि प्रेम तमुदा कदरस्यो पिन्सि डेन लाबा मुबा ।
तपाईको प्रतिक्रिया दिनुहोस