ललितपुर । घुसेल माध्यमिक लोप्खाङला ६५ छा वार्षिक दिङ्साङ बेने ३ गते कामरेकुनु लोप्बोनजुगुदा छात्रवृत्ति थेन पुरस्कार बोलासि तेन्जि ।

बागमती गाउँपालिकाला चोहो वीरबहादुर लोप्चनला ग्रेनडोन्बोरि ताबा चु गेताङरि वडा चोहो ओसेम लोप्खाङ डिबा समितिला चोहो ज्ञानबहादुर लो, लोप्खाङला ङ्हाच्छाला डिबा समितिला चोहो, ङ्हाच्छाला प्रधानाध्यापक, स्थानीय जनप्रतिनिधि, वडारि मुबा गैरसरकारी गेन्दुनजुगु, स्थानीय समाजसेवी, बुद्धिजीवि, लोप्खेन, अभिभावक थेन लोप्बोनजुगुसे बोकिन्बा मुबा ।

बागमती गाउँपालिका वाडा नं. १ घुसेल मानेगाउँरि मुबा चु लोप्खाङ् बि.सं. २०१७ दिङ बेने ३ गते स्हेङ्बा मुबा ।

गेताङरि आधारभूत तह कक्षा १ हेन्से ८ दोनाला छात्रादा छात्रवृत्ति, दलित छात्रवृत्ति थेन पुरस्कार बोलाबा मुबा । गेताङरि लोप्बोनजुगुसे स्याबा नोन उन्बा मुबा ।

थारेङ्ग्याम खासि चु लोप्खाङरि डोबा लोप्बोनजुगुदा चिबारि देबाः तानागि डिबा स्होबारि स्थानीय समाजसेवी पुरुषोत्तम घिमिरेसे ५१ हजार न्होर लोप्खाङ्ला प्रधानाध्यापकदा पिन्बा मुबा । कक्षा १२ दोना पठनपठान तासिकेन खाबा चु लोप्खाङसे २०८० दिङ्ला कक्षा १२ ला बोर्ड परीक्षारि सतप्रतिशत लोप्बोन उतिर्ण ताबारि सफल तामुबा । चुरि मावि दरबन्दी थेन उच्च मावि दरबन्दी शून्य मुला ।

९५ प्रतिशत लोप्बोन तामाङ समुदायला मुला बिसाम तिलाइ लोप्बोन माङ्ग्यार न्हुप जिल्लाला सुताइ डोबा लामुबा ।

गेताङ लोप्खाङला प्रधानाध्यापक रमेश न्यौपानेला चोहोदानरि ताबा मुबा ।