धादिङ । ब्रिखेन बाबुराम फ्युबासे ह्रुप्बा तामाङ आन (उखान)ला छ्योइ बेने (फागुन) ३ गते कामरेकुनु धादिङबेंसीरि बिमोचन लाजि । गेताङ नेपाल रेडक्रस सोसाइटी धादिङला तालिम हलरि ताबा हिन्ना ।
नेपाल तामाङ घेदुङ, धादिङला चोहो दीपक तामाङला चोहोदानरि ताबा चु गेताङरि छ्योइला बिमोचन गंगाजमुना गाउँपालिका चोहो भक्त लामा, रुबीभ्याली गाउँपालिका चोहो रामसिङ तामाङ, खनियाबास गाउँपालिकाला ह्रोचोहो सेक्केमान तामाङसे गिक्खेलिरि (संयुक्तरुप) विमोचन लाबा मुबा ।
विमोचन लिच्छा ङ्हिछा सत्ररि तामाङ ग्युइ मन्थन थेन छ्योइफिरि क्योइताम (समीक्षा) लाबा मुबा । छ्योइफिरि रुबीभ्याली गाउँपालिकाला चोहो रामसिङ तामाङ, खनियाबास गाउँपालिकाला ह्रोचोहो सेक्केमान तामाङ, कृष्णबहादुर पौडेल, खनियाबास गाउँपालिका ५ नं. ला वडाचोहो रविनकुमार तामाङसे टिप्पणी लाबा मुबा ।
काठुइ समुहरि रेबा जिज्ञाशाजुगुदा ब्रिखेन ओसेम पोप्पा बाबुराम फ्युबासे प्रष्ट लापिन्मुबा ।
गेताङला वक्ताजुगुसे ‘तामाङ आन’ तेबासे तामाङरि मौलिक लोकवार्ताजुगु ह्रुप्बा थेन सोना लाबारि ह्रोतेन्बा थेन छारपुस्तादा ग्योइतेन थुइबारि ज्याबा गे लाबा बिसि प्रशंसा लाबा मुबा ।
तामाङ ग्योइरि ताबा चु छ्योइ विमोचन धादिङ जिल्लारि गिक्छा रेम हिन्ना ।
चु छ्योइ देवनागरिक, अंग्रेजी थेन सम्भोटा लिपीरि मुला बिसाम चु छ्योइला कभररि मुबा क्युआरकोड स्क्यान लासि इलोक्ट्रिनिक पेजरि डोबा थेन अडियो ङ्यान्बारि खाम्सेला मुला ।
गेताङ नेपाल तामाङ घेदुङ– धादिङ, दर्खथेन डसङ समाजला ङ्योइसाङरि बिर्चेत युवा समाज थेन थ्रिडी युवा क्लवला डिछ्यारि ताबा हिन्ना ।
‘तामाङ आन’दा फ्युबा ये शे दिमसे तेबा हिन्ना ।
तपाईको प्रतिक्रिया दिनुहोस