याम्बु । नेपाल तामाङ कलाकार संघ, केन्द्रीय गेदिमसे बेने १ गते विज्ञप्ती तेसि नेपाल थेन फिरग्याप ह्युलरि ताबा सांस्कृतिक गेताङजुगुरि ह्राङ्ला बिमा स्यान्दो काइपा÷काइमो, कलाकारजुगुला व्हाइ थाकोउ बिसि चेतावनी पिन्बा मुला ।

ग्रेनगौराइ खेम मोक्तानसे जारी लाबा विज्ञप्तीरि बिबा मुला– ‘दाते ह्युल थेन स्यान ह्युलरि ताबा सांगीतिक गेताङजुगुरि ल्होलो कलाकारजुगुसे व्हाइ, संगीत सरोकारवालाला स्वीकृति आकिन्ना ल्होलो डिजिटल एपजुगुला गुङग्याम अनधिकृत लिरि ट्र्याक स्होसि प्रस्तुत लाबा याङ्जि ।’

कलाकार संघसे सम्बन्धित कलाकारजुगुसे संघरि निवेदन पिन्बा ग्रा पिन्बान, ‘चुह्राङ्बा गे थेनआथान्साम प्रतिलिपी अधिकार ऐन २०५९ ला धारा १० आकर्षित तासि कानुनी कारबाही तासेला मुला बिसि पाङ्बा मुला ।