कास्की । नेपाल तामाङ घेदुङला ६९ छा स्हेङ्बा दिङ्साङरि घेदुङ, कास्कीसे ख्रेला ३० कुनु डेङचि विमोचन लाबाछ्याम स्रष्टाजुगुदा डेन लाजि ।

गेताङ प्रतिनिधिसभा ह्रोम्हि मनबहादुर गुरुङला ग्रेनडोन्बोरि घेदुङला गेदिम रातामाटेरि ताबा मुबा । थेसे सेमतेन थान्बान जनजाति न्हाङ्ला छारिब्योनजुगुसे डोबा थेन टेक्निकल ग्युइरि बाङ्पिन्तोला बिसि पाङ्जि । ग्रेनडोन्बोसे गेताङ्ला ठ्वाङ्सेन लामाहेन्से ‘अमर रत्न राष्ट्रिय युवा पुरष्कार’ राष्ट्रिय फुटबल टिम कोच राजेन्द्र तामाङदा १० हजार ५ रुपैयाँ न्होर, दोसल्लाह थेन डेनस्योसे पिन्सि डेन लबा मुबा ।

‘रमेश रत्न दिर्घसेवा सम्मान’ तामाङ घेदुङला ङ्हाच्छाला केन्द्रीय गेचोहो कुमबहादुर योन्जनदा १० हजार ५ रुपैयाँ न्होर थेन डेनस्यो पिन्सि डेन लाबा मुबा ।

चुह्राङ्नोन लासि जसपाल पाख्रिनदा (युनिभरसिटि अफ म्यारील्यान्ड यू.एस.ए ग्याम फिलोसोफी अफ सोसियल साईन्स मानर्थ डाक्टर उपाधी) याङ्बासे डेनस्यो पिन्सि डेन लाबा मुबा ।

गेताङरि अर्जुन स्याङ्बो (फोटोग्राफर), गणेशबज्र लामा योन्जन (स्योमि थेन फोटोभिडियो ग्राफर), टेकबहादुर स्याङ्बो (बुद्ध जयन्ती समारोह समिति चोहो), भक्तबहादुर डुम्जन (पोखरा फोटोग्राफर संघ कास्की चोहो), बलराम तामाङ (गण्डकी प्रदेश खेलकुद परिषदला उपनिर्देशक), सुनबहादुर तामाङ (कास्की जिल्ला खेलकुद विकास समिति गेदिम प्रमुख)तेन स्यान्दो ल्होलो स्रष्टाजुगुदा डेन लाबा मुबा ।

गेताङरि घेदुङला ङ्हाच्छाला गेचोहो कुमबहादुर योन्जनसे स्हेङ्माहेन्से दातेदोनाला नेपाल तामाङ घेदुङला दोङरापला ग्रा पिन्बा मुबा ।

गेताङरि कुमबहादुर तामाङ, सुन्दर थोकर, दिपक तामाङतेन स्यान्दो डोन्बोजुगुसे ह्राङ्ह्राङ्ला ताम थान्बा मुबा ।
भक्तबहादुर डुम्जनला चोहोदानरि ताबा चु गेताङरि स्यान्दो डोन्बोजुगु धनप्रसाद डुम्जन, दिपक वाईबा, प्रताव वाईबा, हरिमान थिङ, सुन्दर थोकर, सुजन लामा, पूर्णसिङ तामाङ, सरला थिङ नोन मुबा ।

रितु थोकर तामाङसे डेन सेमताम थान्बा चु गेताङला संचालन घेदुङला गौराइ मिनमाया डुम्जनसे लाबा मुबा ।