खुल्ला विश्वविद्यालयला बिए तहरि बेने (फागुन) ६ गतेहेन्से फारम भरतिबा दुइ जिन्बाकेन मुला । दाते २० म्हे (जना) लोप्बोनजुगुसे बोकिन्बारि म्याङ्सेला मुला ।

बो किनम्याङ्बाजुगुसे क्योङ गोर ब्रे सेमेस्टररि तामाङ डोबारि १६ वटा नुर (विषय)जुगु तासेला मुला । चुग्याम तामाङ खेन्पो उत्पान तासेला आशा किन्बा मुला ।

विश्वविद्यालयरि डोतोसेला नुरजुगु आदिवासी अध्ययनला सिद्धान्तजुगु, तामाङ दोङरापला ङोसेबा, तामाङ सामाजिक गेन्दुनजुगु थेन सामाजिक प्रणाली, तामाङ थेन स्यान्दो समुदायजुगु, तामाङ ल्हुइसोबा थेन सामाजिक न्होर दोइ, तामाङ रिमठिम सम्पदाजुगु, तामाङ दर्शन थेन धर्म, तामाङ ग्योइ थेन ग्योइबिज्ञान, तामाङ आदिवासी ग्युइ, पर्यावरण थेन प्रविधि तासेला ग्रा मुला ।