नुवाकोट । जिल्लाको खेबाः (पुरानो) त्रिशुली अस्पतालसे नाबाजुगुदा गुणस्तरीय सेवा पिन्बारि छार प्रविधि थेन सेवाजुगु काप्बा मुला । अस्पतालसे प्रयोगशालाला रिपोर्टग्याम दारे ह्राङ्सेन प्रिन्ट लाबा थेन च्याबारि खाम्बा मेसिन थुइबा मुला । चुसे नाबाजुगुलम दुइ बचत ताबा थेन सेवा प्रक्रिया देबाः (सजिलो) तासेला अपेक्षा लाबा मुला ।
अस्पतालसे कामरेकुनु ङ्योइसाङ लाबा गेताङरि अस्पतालला फार्मेसि थेन ल्याब रिपोर्ट अटो प्रिन्टर मेसिनला ठ्वाङ्सेन लाबा हिन्ना । चु दुइसाङरि बिदुर नगरपालिकाला मेयर राजन श्रेष्ठसे मेसिनला ठ्वाङ्सेन लाजि । थेसे अस्पतालसे नुवाकोट जेक्खे आताना खिम्जे जिल्ला धादिङ थेन रसुवाला नाबाजुगुदा नोन सेवा पिन्सिकेन खाबासे लामा ल्हानाबिमा ल्हाना नाबामैत्री स्होबारि आव्हान लाजि ।
गेताङरि नुवाकोटला प्रमुख जिल्ला अधिकारी रामकृष्ण अधिकारी, बागमती प्रदेश सिटिइभिटीला निर्देशक डा. शान्ति लामातेन स्यान्दो डोन्बोजुगु मुबा ।
अस्पतालला डिछ्या ओम संचालन समितिला चोहो उपेन्द्र बुढाथोकीसे अस्पतालसे पिन्बा सेवाजुगुदा प्रभावकारी स्होबारि सेवा ल्हेना लाबा ग्रा पिन्जि ।
अस्पतालला निर्देशक डा. राजेन्द्र लामासे चु छार प्रविधिसे नाबाजुगुला चाप च्याङ्ना लाबारि ह्रो तासेला थेन दुइ सोसेला विश्वास थान्जि । थेला आन्सार नाबासेन प्रयोगशालाला बिलरि मुबा बारकोड मेसिनरि थान्सि रिपोर्ट च्याबा थेन प्रिन्ट लाबारि खाम्सेला मुला ।
त्रिशुली अस्पतालसे नुवाकोट, धादिङ थेन रसुवा जिल्लाला नाबाजुगुदा सेवा पिन्सिकेन खाबा मुला । लिच्छाला दुइरि अस्पतालसे अत्याधुनिक उपकरण थेन विशेषज्ञ डाक्टरजुगुग्याम सेवा पिन्बारि चुमाहेन्से रेदाङ्से ग्यार्जाछा नाबाजुगु चु अस्पतालग्इाम लाभान्वित तासिकेन खाबा मुला । चुसे क्षेत्रीय ल्हुइथाङ (स्वास्थ्य) सेवाला गुणस्तररि ग्रेन योगदान पिन्सिेकेन खाबा मुला ।
अस्पतालसे तिबा चु छार प्रविधि नेपालला स्यान्दो अस्पतालजुगुरि नोन लागू लाबारि खाम्सेला उदाहरण दोबारि खाम्सेला म्राङ्मुला ।
तपाईको प्रतिक्रिया दिनुहोस