ज्योति विकास बैंक लि. ला ख्रेला (माघ) २३ गते चिबा सञ्चालक समितिला ५०९ छा चिसाङसे बैंकला ह्राङ्बाङ (स्वतन्त्र) सञ्चालकरि रेशमराज रेग्मीदा नियुक्ति लाबा मुला । थेदा ख्रेला २३ गतेहेन्से लागु ताबा लासि चु विकास बैंकला ह्राङ्बाङ सञ्चालकरि नियुक्त ताबा हिन्ना ।

वरिष्ठ अधिवक्ता रेग्मीला नेपाल राष्ट्र बैंकरि छ्योआछ्यो २५ दिङ ल्होलो गेथुम (कार्यक्षेत्र)रि गे लाबा अनुभव नोन मुला । कानुन नुररि स्नातकोत्तर लाबा रेग्मीसे नेपाल सरकार न्हाङरि मुबा ल्होलो थुमरि नोन कानुनी ग्रोइपाला लिरि योगदान पिन्सिकेन खाबा मुला ।

थे अध्यापकला लिरि नोन ल्होलो शैक्षिक गेन्दुनजुगुरि आबद्ध मुला । नेपाल मध्यस्त परिषदला सोतेदोनाला ह्रोम्हि मुबा रेग्मीसे गेन्दुनगत सुशासन, एएमएल थेन मुतेबा बैंकिङ थुमला नुररि शिेषज्ञता किन्जिन्बा मुला । थेसे बैंकिङ कानुन थेन गेन्दुनगत सुशासन सम्बन्धी छ्यो छिपाला छ्याम ल्होलो रिसर्च पेपरजुगु ओम जर्नलजुगुरि ब्रिताम तेबा मुला ।

रेग्मीला ह्रेङ्बा गे अनुभव थेन नुरगत कुशलता ओम दक्षतासे चु बैंकदा बाङ काप्बा थेन सफलतारि बोर्बारि ग्याम उन्सेला विश्वास बैंकसे लाबा मुला ।