भारतला डुवर्स तामाङ बौद्ध संघला ङ्योइसाङरि दिनिरे माघ २० कुनु (छिलिङ्कि कुनु २ फरवरी) ल्होलो तामाङ पेठिम थेन छ्याम तामाङ स्याबा गोबा ओसेम मोइदेप थेन डेनसाङस्यो पिन्सि चुपाल्छेला सोनाम ल्होछार दाङ्जि ।
गेताङ डुवर्स तामाङ बौद्ध संघला केन्द्रीय चोहो धनबहादुर वाईबा, ङ्योइसाङ कमिटीला चोहो श्याम थोकर, ग्रोइपा असीम पाख्रिन ग्रेनगौराइ कुमार गोले ओसेम अखिल भारतीय तामाङ बौद्ध संघला ग्रेनगौराइ नरेन्द्र मोक्तान, फुर्बा लामा, ह्रोगौराइ पवन गोले ओम शरण लोप्चनला डोन्बोरि ताबा मुबा ।
गेताङरि भारत साह्युल्ला लुङ्दार थेन संघ ओम धर्मचक्रला लुङ्दार डोन्बोदुगुसे रेन्सि तिमुबा । होजा दुइसाङरि तामाङ बौद्ध संघला ठोङ्सेङ्बोन डोङबा पीएल मोक्तान, एमएस बम्जन, धीरज मोक्तान, बीएम योञ्जन थेन सुखमन मोक्तानला कुपररि श्रद्धाञ्जली फुल्बा मुबा ।
चु दुइसाङरि असमग्याम पूर्वाञ्चल तामाङ बौद्ध संघला प्रतिनिधि थेन सिक्किम ओम दार्जीलिङ गाङसे ज्योन्खाबा डोन्बोसेनो ल्हेङमो थान्बा मुबा ।
ल्होछार दुइसाङरि डुवर्स तामाङ संघला सुङस्यो (मुखपत्र) ल्होछार विशेषाङ्क म्रापसालिङ स्योस्योलानो विमोचन लाबा मुबा ।
तपाईको प्रतिक्रिया दिनुहोस