तामाङ बौद्ध संघला ङ्योइसाङरि खाबा ख्रेला (माघ) २० कुनु दिनिरे (छिलिङकि कुनु २ फरवरी २०२५) डुवर्सरि तामाङ सोनाम ल्होछार भव्य लिरि ताबाकेन मुला । गेताङ अलिपुरद्वार जोङ्ला कालचिनी ज्याम्राङ नाम्साला बक्सा क्लब पाङग्यालरि तासेला मुला ।

डुवर्सला ल्होलो ग्लाग्याम थेन नेङ्कोर दार्जीलिङ, सिक्किम, असमला छ्याम नेपाल साह्युलसे तामाङ ह्युल्बाकादे होजु कुनुरि ह्रापह्रुप तासेला बिसि ङ्योइसाङ कमिटीला चोहो श्याम थोकरसे ग्रा पिन्बा मुला ।

होजा दुइसाङरि ल्होलो ग्लाग्याम थेन नाम्सासे खाबा तामाङ कलाकारदुगुसे तामाङ तोसोला स्याबा, व्हाइ गोबा थेन स्यान्दो गेताङ तासेला बिबा मुला ।

जिन्बा चिगाइ, डुवर्स तामाङ बौद्ध संघसे दिङदाङ्से सामुहिक लिरि डुवर्सन्हाङ सोनाम ल्होछार प्रीबा गेताङ लासि खाबागेन मुला । चु दिङ सापुख्रि सिङ खामला मञ्जुश्री सम्वत २८६१ सोनाम ल्होछार हिन्ना ।