तामाङ संस्कृति याङला समाज, मादी ११, सैमराङ्ग, पोखरासे माघ १८ थेन १९ रि क्लाङ प्रतियोगिताला ङ्योइसाङ लाबा मुला । मन्जुश्री सम्वत २८६१ डुल ल्हो सोनाम ल्होछारला दुइसाङरि चु गेताङ स्होबा हिन्ना ।

प्रतियोगितारि भलिबल, स्याबा, छेलो, कुर्सि स्याङ्बा थेन केकेबा क्लाङ क्लाङ्सेला मुला ।

भलिबल प्रतियोगितारि मादी ११ रि मुबा टोलसे जेक्खे बो किनम्याङ्सेला मुला । भलिबलरि डासि गिक्छा ताबासे ३० हजार, ङ्हिछा ताबासे २० हजार न्होरला छ्याम ट्रफी, मेडल थेन प्रमास्यो याङ्सेला मुला ।

स्याबारि नोन टोललाजुगुसे जेक्खे याङ्सेला मुला । चु प्रतियोगितारि डासि गिक्छा ताबासे २५ हजार, ङ्हिछा ताबासे १८ हजार न्होर, ट्रफी थेन प्रमाणस्यो याङ्सेला मुला ।

छेलोरि डासि गिक्छा ताबासे ५ हजार, ङ्हिछा ताबासे ३ हजार न्होर, प्रमाणस्यो याङ्सेला मुला बिसाम कुर्सि स्याङ्सि डाबा म्रिङ्कोलाजुगुसे गिक्छा तामा तामाङ लुङ्गी थेन कुलाकि, ङ्हिछा ताबासे तामाङ लुङ्गी जेक्खे याङ्सेला मुला ।

केकेबा क्लाङ क्लाङ्सि डाबा बिजाबुमोजुगुरि गिक्छा ताबासे कपी सोम, ङ्छिा ताबासे कपी ङ्हि, सोमछा ताबासे कपी गिक याङ्सेला मुला ।

तामाङ संस्कृति याङला समाजसे तामाङ ग्योइ, कला, रिम थेन रिमठिम ल्हेना छार्ना लाबा गे लासिकेन खाबा मुला ।