खाइलाबा निर्वाचनला लागि पार्टिरि ताम लाबा चुसिलिच्छा ‘देन्बा उम्मेदवार दाम्बा’ नुररि पार्टीला चिसाङ होइजि ।

चिसाङरि राप्पा छाङ्मान मुल्मिकादेदा नुरस्हे थोरि ह्राङ्ह्राङ्ला सेमताम थान्बारि दुइ दोन्जि ।

‘ह्युल्सा छारिब्योनमय (युवामय) ताबासे दारेला निर्वाचनरि छारिब्योनकादेदा गिक्छा अवसर दोन्तोला ।’ गिक मुल्मिसे सुङ्जि ।

‘हिन्ना... हिन्ना... ! ह्राङ्ला सेमताम ङाताइ नोन सेम निजि, ह्युल्सा छारिब्योनकादेलान बामरि खामुला । ह्याङ्ला पार्टीरि नोन छारिब्योनकादेलान बाहुल्यता मुला । चुतासि, ङाइ ह्राङ्ला सेमतामला समर्थन लाला ।’ स्ह्यान मुल्मिसे काप्जि ।

‘अवसर पिन्बाम पिन्बा ! छारिब्योनन्हाङरि नोन ह्याङ्ला जामेकोला मुल्मिकादे मुस्ह्युला । दाबे नोन संवैधानिक प्रावधान आन्सार जामेकोलाकादेला सिट सुनिश्चित लाबान जामेकोलादा गिक्छा अवसर दोन्तोला ।’ गिक्खे जामेकोला गोबोनसे ह्राङ्ला सेमताम थान्जि ।

चुराङ्नोन लासि आदिवासि, जनजाति, मदेशि, दलित, पिछडा... वर्गदा समानुपातिक लिरि अवसर पिन्तोबा धारणा खासिलिच्छा चिसाङला निष्कर्षरि– उम्मेदवारि दाम्बा कमिटी स्होसि ‘उम्मेदवार दाम्बा आचारसंहिता’ लागु लाबा निर्णयरि दोजि । थेला गिक्छा बोरि– ‘निर्वाचनरि प्रत्यासि ताबा मुल्मि पार्टीरि महत्वपूर्ण योगदान दोन्बा..., जेलनेल पुइबा... निबा निर्वाचनकादेला अनुभव मुबा... कादे गुङग्याम्से दाम्बारि... खाम्बा... !

दोःबा : ईश्वर थोकर