‘आमी दुईजन मासि तो ४०० टका लगब्बे ।’
धनवीरसे तिक्खुरि ङ्योइजि, ‘कि से र टक्क ?’ थेदा ओदे ज्याना बंगाली ग्योइ आखामुला । जाजार गोमुला ।
सरकारी हस्पिटलला वार्डरि अपरेसनला लागि ब्रान्चिबा नाबा (विरामी)दा अपरेसन कोठारि बोर्बा ङ्हाच्छा चुह्राङ्लासि पिङ क्वान क्वान्तोबा चिम ।
‘सबाइ दिछे तो, टक्का दिन तारपोडे कापोडा चेन्ज कराई दिबो ।’ ह्राङ्से म्हान्बा आहिन, तोकाप लाबा न्होर फातोबा चिम ।
माङ्ग्यार थोन्मा गेट ङामरि जनकल्याणला लागि ब्रिबा सावधानी नोटिससे ब्रेचिबा ह्राङ छोर्जि ।
नोटिसरि ब्रिबा फोन नम्बर ख्याबा थेन म्हालाङसे गाङ्साल चाजिन्बा मुबा । बिले, थे नोटिस खालाइ गोबारि आखाम्गाइ ।
कैजले, बिजनबारी, दार्जिलिङ, भारत ।
दोःबा : यकिना अगाध
तपाईको प्रतिक्रिया दिनुहोस