छेप्बा ला तिजिन्बा मुला । छेप्बारि ल्हुइथाङदा स्यान्दो दुइबिमा ल्हाना ख्याल लातोमुला । छेप्बारि ल्हानान नोइजुगुसे ह्याङ्दा ख्वाइबारि खाम्ला । चुह्राङ्बा दुइरि ल्हुइदा ल्हाना पोषण तोबा ताला ।

छेप्बारि प्याज चामा ल्हानान ल्हुइथाङ लाभ तामुला । तिल्दाबिसाम प्याज पोषक तत्वकादेसे प्लिङ्बा तामुला । प्याजरि सल्फर, फाइबर, पोटासियम, क्याल्सियम, भिटामिन बी थेन सी ज्याना लासि याङ्मुला । प्याजसे ल्हुइला कोलेस्ट्रोलला स्तर च्याङ्ना लाबारि ह्रो लाला ।

प्याजरि प्राकृतिक सिल्बाला गुण ताला । थेसे ल्हुइला लेप्बादा च्याङ्ना लाला । थेसेलामा ल्हुइदा रेगि ताजा थान्ना ।

छिङ्गाइ प्याजरि ज्याना लासि फाइबर याङ्ला । चुसे पाचन प्रक्रियारि सुधार बाला ओसेम कब्जियत ह्राङ्बा समस्यादा राहत पिन्ना ।

प्याजरि याङ्बा एन्टिअक्सिडेन्ट थेन भिटामिन सीसे ल्हुइला नोइ प्रतिरोधात्मक क्षमतादा कोङ्ना लाला, थेसे लामा छेप्बा मौसमरि ताबा नोइजुगुग्याम सोबारि खाम्ला ।

डिदा चम्किलो स्होला ओसेम क्रादा कोङ्ना लाबारि नोन छिङ्गाइ प्याज ल्हानान फाइदाजनक ताबारि खाम्ला । प्याजरि याङ्बा सल्फर डि थेन क्रा ङिलान लागि फाइदाजनक ताला ।

छिङ्गाइ प्याजसे इन्सुलिनला स्तर नियन्त्रण लाबारि ह्रो लाला, थेसे लामा मधुमेहला नाबाजुगुला लागि चु लाभदायक ताला ।

प्याजदा कागती थेन चाचारि डिक्ना लासि सलाद स्होसि चाबारि खाम्ला । दहीरि युसि चाबा खाम्ला । मोरे (अचार)रि युसि चाखाम्ला । कानतेन छिङ्गाइ प्याजला प्लेन चाबारि खाम्ला ।