नेपाली जामेकोला फुटबल टिमला कप्तान ओसेम गोलरक्षक एञ्जिला तुम्बाप्पो सुब्बाला केवारि आधारित नेपाली सिनेमा ‘अञ्जिला’ प्रिमियर ताजि । बेलायतला एल्डरसटला एम्पायर हलरि प्रिमियर ताबा हिन्ना ।

प्रिमियररि बेलायतला लागि नेपाली राजदुत चन्द्रकुमार घिमिरे ग्रेनडोन्बो मुबा बिसाम बेलायतरि मुबा नेपाली सिनेमाकर्मी, व्यवसायी थेन सर्वसाधारण च्याखेनसे नोन रुङ्ना बोकिन्बा मुबा ।

नेपालग्याम चु सिनेमाला कलाकार सिर्जना सुब्बा, निर्माता ओसेम कलाकार प्रेमकुमार श्रेष्ठ, छ्यानिर्माता विनोद अग्रवाल थेन निर्देशक मिलन चाम्स बेलायत दोबा मुबा । चलचित्र निर्देशक समाजला ग्रेनगौराइ अरुणकुमार प्रधान थेन उद्घोषक नरेश भट्टराई नोन दोमुबा ।

नेपालरि ताचिबा स्यानह्युल क्लाङ प्रतियोगिताला कारण एञ्जिला बिसाम बेलायत प्रिमियररि दोबारि आखाम्नि । 
प्रिमियर समारोहरि राजदुत घिमिरेसे सिनेमा टिमदा थुजेछे पिन्बान सिनेमासे नेपाली क्लाङ जगतदा ज्याबा प्रभाव ताना लासेला विश्वास थान्जि ।