बालेनला व्हाइ ‘नेपाल हाँसेको’ गोरडु ह्युलला युट्युव ट्रेन्डिङरि, नेपाल क्योङ्बिमा फिरि
२०८१ माघ २९, मंगलबार १५:२२ मा प्रकाशित
र्यापर बालेनला छार व्हाइ ‘नेपाल हाँसेको’ से जाम्बुलिङरि चर्चा याङ्चिबा मुला । रिलिजला २४ घन्टा आवाइजिमान चु व्हाइ नेपालला छ्याम गोरडु ह्युलला युट्युवला ट्रेन्डिङ मुला ।
सोमबार ङ्यासे रिलिज ताबा चु व्हाइ नेपालरि बिसाम स्ट्रिमिङला डेढघण्टारिन ट्रेन्डिङरि मुबा । मंगलबार दिनगुङतेमा नेपालला संगीत बारि युट्युवला क्योङ्बिमा फिरि मुला ।
नेपालरि युट्युव ट्रेन्डिङला क्योङ्बिमा फिरि तामा अस्ट्रेलियारि १५, युएईरि ८, कताररि २, माल्टारि २ थेन कुवेतरि ९ छा ग्लारि मुला । नेपालीजुगु रुङ्बा चिबा ग्लाला मु ह्युलला च्याखेनसे व्हाइसे सेम छुबा म्राङ्मुला ।
चु व्हाइला अडियो बिसाम दिङ च्युइ ङ्हाच्छान रिलिज ताजिन्बा हिन्ना ।
तपाईको प्रतिक्रिया दिनुहोस