खाबा माघ २५ गतेहेन्से रिलिज तासेला फिल्म ‘जुना : एक व्यथा’ला व्हाइ ‘आमाको मुहार’ सार्वजनिक ताबा मुला । व्हाइरि यदु राई लकान्द्रीला काइ, जीवन सेन्चुरीला छिग थेन रमेश सेन्चुरीला संगीत एरेन्ज, मिक्सिङ थेन मास्टरिङ मुला ।

ओएसआर डिजिटल ग्याम सार्वजनिक व्हाइला भिडियोरि बिजा ब्रेल्साङलिच्छा याखारगि बुमोला ल्हुइरि खाबा उतारचढावदा उन्बा मुला । ब्रेल्साङ लासि निमाहेन्से फासे पिन्बा यातना, स्युइमिला बोमो खाबा व्यवहारदा व्हाइरि उन्बा मुला ।

व्हाइ फिल्मला मुख्य पात्र अस्मिता ढकाल खारख्युर कोर्बा मुला । भिडियोरि अस्मितातेन कृष्णप्रसाद धिताला, देशभक्त खनाल, रश्मी भट्ट, अनिता बस्नेतदा थुइबा मुला । गीत काद सेमछुबा मुला भिडियो ओतेबान छोन्बो मुला । व्हाइरि अस्मिताला अभिनय छोन्बो म्राङ्बारि खाम्ला ।

गोदावरी फिल्म प्रोडक्सन एण्ड रिसर्च प्रालिला व्यानररि स्होबा फिल्मला निर्माता दीपकप्रसाद घिमिरे हिन्ना । निर्माता घिमिरसे बिजा ब्रेल्साङ थेन जामेकोला हिंसा निरुत्साहित लाबा उद्देश्यसे फिल्म स्होबा बिसि पाङ्जि ।