‘पहिचान’ फिल्मरि अभिनेत्री करिष्मा मानन्धरला मुख्य भूमिका
भिम लामाला निर्देशनरि स्होबा फिल्म ‘पहिचान’ला खेबाः (पुरानो) अभिनेत्री करिश्मा मानन्धरला इन्ट्री ताबा मुला । तिनि शुक्रबार याम्बुरि निर्देशक लामासे करिश्मा मानन्धरतेन कागजी सम्झौता लाबा मुला । छ्यारि थेसे कलाकार रोशन शर्मातेन नोन सम्झौता लाबा मुला । लामासे कोशी प्रदेशला इटहरीरि गेग्ला (कर्मथलो) स्होसि ह्रेङ्बा दुइहेन्से नेपाली फिल्म थुमरि योगदान पिन्चिबा मुला ।
चुनोन फिल्मग्याम ङ्हाच्छाला लोकप्रिय धिरेन शाक्यसे नेपाली फिल्मरि (दोसिबाबा) कमब्याक लाबाकेन मुला । थेदा तिलाइ साता ङ्हाच्छा लामासे कागजी सम्झौता लाजिन्बा मुला बिसाम वरिष्ठ अभिनेता प्रेम सुब्बादा सुताइ प्रमुख भुमिकाला लागि सम्झौता लाबा मुला । फिल्मरि स्याबा निर्देशकरि मणिकुमार लिम्बु थेन सानुराजा थेगिम लिम्बुदा अनुबन्धन लाबा मुला । चर्चित खलनायक थेन द्धन्द निर्देशक राजेन्द्र खड्गीदा नोन अनुवन्धन लाबा मुला ।
नेपाली समाजरि जातीय ङोसेबाला महत्वपुर्ण नुरस्हे रेन्बान ‘पहिचान’ स्हेङ्गे लाबा भिम लामासे चुबिमा ङ्हाच्छा स्थानीय तामाङ जातिला रिम थेन रिमठिमदा ह्रुप्सि ‘लीलामे माइला’ निर्देशन लाबा मुबा । थेसे ‘माटो, नोसो, गोल थेन फेक फ्रेण्ड’ ह्राङ्बा फिल्म स्होबा थेन निर्देशन लाजिन्बा मुला ।
करोड गि लागत ल्हागाब तासेला चु फिल्म ‘पहिचान’ दा फागुन १८ गतेग्याम कोशी प्रदेशला ल्होलो रमणीय ग्लारि छायाङ्कन लासेला लामासे पाङ्जि । चु फिल्मरि करिश्मा, धिरेन, राजेन्द्र, प्रेम, रोशनला छ्याम रामजी विष्ट, छिरिङ लामा, बिरु लामा, गङ्गा कुँवर, दिलु सुब्बा, छार नायिका जेनि तामाङ, शर्मिला राइसे अभिनय लासेला मुला । फिल्मला लागि तोबा स्यान्दो कलाकारजुगु सुताइ दाम्बा प्रक्रियारि मुबा निर्देशक लामासे पाङ्जि ।
तपाईको प्रतिक्रिया दिनुहोस