नुवाकोट । नेपाल तामाङ घेदुङसे नुवाकोटला तामाङ एग्रो प्लाजा बट्टाररि तामाङ ग्योइ ब्रिबा प्रणाली विकास गोष्ठी लाजि । नेपाल सरकारसे बागमती प्रदेशरि कामकाजी ग्योइरि तामाङ ग्योइदा नोन कार्यान्वयनरि बाबा सन्दर्भरि चु गोष्ठी लाबा हिन्ना ।
नेपाल तामाङ युवा घेदुङला चोहो विलाम मुक्तानला आन्सार ग्योइ इकाइ टिमला संयोजक सरोज मोह मोक्तान, ह्रोम्हिजुगु जयमान वाईबा, बिलाम मुक्तान, उषा वाईबाला ङ्योइसाङरि गेताङ ताबा मुबा ।
नेपाल तामाङ घेदुङला ह्रोचोहो अकल तामाङसे डेन सेमताम थान्माहेन्से गेताङ ङ्हाच्छा वाङ्बा मुबा । गेताङरि तामयीग अभियन्ता प्रतीक तामाङ ङेसुरसे तामाङ ग्योइ थेन ग्युइसेर नुररि नेपाल तामाङ घेदुङसे ह्युलनाङ अभियान स्याङ्चिबा मुला बिसि पाङ्जि । थेसे छिगकोष ब्रिसि मानक स्होसि जेक्खे ग्योइ सोना लाबारि आखाम, रेदाङ्से पाङ्सि चिमा जेक्खे ग्योइ सोला, चुला लागि गिक्खेन उपाय बिबा आमाग्योइरि लोप्खाङरि डोपुङ्तोला बिसि पाङ्जि ।
ग्योइखेन्पो अजितमान तामाङसे नेपालरि तामाङ ग्योइ तोसो सोमला मुला बिसि पाङ्जि । बाह्र तेमाल, बाह्र लच्याङ, बाह्र गोर्साङ डिक्ना लासाम ग्योइला मानकीकरण ताला बिसि पाङ्जि ।
गेताङरि घेदुङला ह्रोचोहो मनबहादुर तामाङसे थुजेछे पिन्बा मुबा बिसाम गाउराइ जयमान वाईबासे संचालन लाबा मुबा ।
संयोजक सरोज मोह मोक्तानसे गेताङ थुम्ना लाबा मुबा ।
(छिगला अर्थः ह्रोम्हि– सदस्य, ग्युइसेर– शिक्षा, नुर– विषय, ।)
तपाईको प्रतिक्रिया दिनुहोस