तामाङ ग्योइरि नोन डोम्याङ्सेला ताजि ओपन युनिभर्सिटीरि
नेपाल खुल्ला विश्वविद्यालय (ओपन युनिभर्सिटी)से गिक्छारेम ‘तामाङ स्टडिज’रि आवेदन ठ्वाङ्बा मुला । दिङ ब्लिला चु गेताङला लागि तोङ्जा गि (एक हजार रुप्रयाँ) आवेदन शुल्क ल्हागब तासेला मुला ।
अनलाईनग्याम डोसेला चु तहरि प्लस टु जिन्बा खाल्दामानसे भर्ना ताबारि याङ्सेला ग्रा खुल्ला विश्वविद्यालयसे लाबा मुला । तासाइ नोन कम्प्युटरफिरि जाजाकार सेतोबा बिसि विश्वविद्यालयसे पाङ्बा मुला ।
तामाङ दोङराप, रिमठिम, धर्म, ग्योइ, ग्योइकाइहेन्से लोकवार्तादोना ह्रुप्सि पाठ्यक्रम स्होबासे चु तहला शिक्षा आउदिन महत्वपुर्ण तासेला ग्योइखेन्पो अमृत योन्जनसे पाङ्मुला । ‘अनलाईनग्याम डोपुङ्बा ताबासे ह्युल फिरग्याप ह्युल ओम थारेङ स्ह्युबाजुगु क्योङ्से डोबारि सहज वातावरण तासेला मुला । १६०० पूर्णांकला चु नुरसे तामाङ खेन्पो स्होबारि ह्रोतासेला मुला ।’ ग्योइखेन्पो योन्जनसे सुङ्जि ।
चु गेताङला लागि माघ ६ गतेहेन्से फागुन ५ गतेदोना आवेदन पिनजिन्तोसेला ओम प्रवेश परीक्षा किन्सेला विश्वविद्यालयला कुलगौराइ प्राडा गोविन्दसिंह विष्टसे ग्रा पिन्मुला ।
तामाङ स्टडिजतेन मगर, किरात, स्लामिक स्टडिजरि स्नातक तहरि आवेदन ठ्वाङ्बा विश्वविद्यालयसे च्याङ्नारि बोगाल गि लोप्बोन (विद्यार्थी) मुतेबा गेताङला लागि अनिवार्य तोकतिबा मुला ।
तपाईको प्रतिक्रिया दिनुहोस