गोले तामाङ वंश उत्थान समाजला ९ छा राष्ट्रिय जोम्ना ओसेम १२ छा साधारणसभा जेठ ४ गते सिन्धुपाल्चोक जोङ्ला बलेफी गाउँपालिका ३, धुस्कोटरि ङ्योइसाङ लाबा मुला ।

गेताङरि ह्युल थेन फिरग्याप ह्युलग्याम गोले ह्रुइदा प्रतिनिधित्व लासि भारतला सिक्किम, दार्जिलिङला छ्याम ल्होलो ग्याम प्रतिनिधिकादेसे बोकिन्सेला मुला ।

ग्रेनडोन्बोला लागि सिक्किमला मुख्यलोन्पो प्रेमसिंह गोलो ‘पिएस गोले’ तामाङदा ङ्योइबा तयारी लाबा गेन्दुनसे ग्रा पिन्बा मुला । 
गेताङरि मनोरन्जन पिन्बाला लागि राष्ट्रिय स्तरला कलाकारकादेसे प्रस्तुती पिन्सेला मुला ।

गेताङरि गोले ह्रुइला ङोसेबा, ग्युलुइ, रिमठिम, फोला ल्होलोदा गिक्खे स्होबारि गोले वंश समाजसे मुतेबा दिङ ल्होलो गेताङकादे स्होसिकेन खाबा मुला ।

जोम्ना सफल ताना लाबारि  प्रितम गोले तामाङला संयोजकरि डिछ्या समिति स्होबा । परिचालन समितिला संयोजक राम गोले तामाङ मुला बिसाम प्रचार प्रसार संयोजकरि बिमल गोले तामाङ मुला ।