सैलुङ, दोलखा । शैलुङ नाम्सापालिका वडा नं. २ भुसाफेदारि नेकपा एमालेला गोर ९ खोर्बा कमिटि ठ्वाङ्बा मुला। कामरेकुनु थुम्बा जरा अभियानग्याम वडा नं. २ रि जेष्ठ कम्युनिष्ट मञ्च, राष्ट्रिय युवा संघ, अखिल नेपाल महिला संघलगायत कमिटिकादे ठ्वाङ्बा हिन्ना। छार कमिटिदा पालिका कमिटि चोहो भरतप्रसाद ढुङ्गेलले दामला लाबा मुबा। 

शैलुङ नाम्सापालिका वडा नं. २ से स्हेङ्बा ङाज्याङ जोम्नादा पार्टीला पोलिटब्यूरो ह्रोमि थेन जोङ इन्चार्ज आसेम ङाच्छाला लोन्पो पार्बत गुरुङसे सम्बोधन लाबा मुबा। जोम्नादा सम्बोधन लाबान इन्चार्ज गुरुङसे जरा अभियानसे एमालेला सङ्गठनदा खोर्बाखोर्बादोःना दोसि कोङ्बा स्होबारि ह्रो ताबा ताम थान्बा मुबा। 

थेराङनोन लासि एमाले दोलखा जोङ चोहो नरबहादुर श्रेष्ठसे एमालेला य्हुलनाङ स्याङ्चिबा जरा अभियानसे पार्टी कमिटिदा गिक्खे स्होसि २०८४ ला चुनावरि एमाले गिक्छा पार्टी स्होबा अभियान मुबा ताम थान्बा मुबा। 

जोङ कमिटि सचिवालय ह्रोमि थेन पालिका इन्चार्ज थिरबहादुर मोक्तानसे जोम्नादा सम्बोधन लाबान निबा चुनाबरि व्यहोरदिबा ब्राइबाला नतिजादा सकरात्मक किन्बान खाबा चुनाबरि स्थानीय तदारि डाबा सुनिश्चित लाबारि चु अभियानसे सार्थकता पिन्बा ताम थान्बा मुबा। गेताङरि पार्टीला संस्थापककादे, आमा छोक्पाला चोहो, स्वयंसेविका, ङाज्याङ ओहोदारि दोबा राष्ट्रसेवक कर्मचारीकादे, कलाकार, खेलाडीकादेदा डेन लाबा मुबा। 

थेराङनोन लासि पालिका कमिटि चोहो भरतप्रसाद ढुङ्गेलसे दामाला २०८४ ला चुनावरि एमालेसे डाबा सुनिश्चित लाबा चु अभियान थेन ठ्वाङ्बा कमिटिकादेला भूमिका ताबा ताम थान्जि। 

जोम्नादा वडा चोहो तिर्थबहादुर श्रेष्ठलगायत गोबोनकादेसे सम्बोधन लाबा मुबा। थेराङनो लासि स्हेङखेन कमिटिला जोम्नाचोहो थेन वडा कमिटि चोहो सुकमान तामाङसे गेछाङदा भव्य, उत्कृष्ट थेन अनुकरणीय स्होबारि ह्रो लाबा पार्टीला गोबोन, गेबोन, समर्थक थेन शुभचिन्तककादेदा थुचेछे फुल्बा मुबा।

एमालेला ला सोमला जरा केन्द्रित अभियान सफल स्होबारि जनतातेन छ्यामह्रुब ताबा अभियानला कार्ययोजना कार्यशालासे स्होबा मुबा। पार्टीसे तय लाबा कार्ययोजनादा जनताला आवश्यकता, अपेक्षा थेन समस्याकादे समाधानला दृष्टिग्याम पार्टीला न्हाङ्बा थेन फिबा पक्षतेन सहकार्य लाबान जरा अभियानदा दोलखारि प्रभावकारी थेन रचनात्मक ढङ्गसे स्याङ्बा मुबा।