हलचोक आकाश भैरवला १२ दिङला जात्रारि राष्ट्रपति रामचन्द्र पौडेलदा विशेष डोन्बो स्होबा मुला । चु ताम बजार डिबा समितिसे स्योमि जोम्ना लासि ग्रा पिन्बा हिन्ना । खाबा बैशाख १ गतेहेन्से तिबा जात्रा ल ागि दोना चलप ताला ।

ला गि संचालन ताबा मु जात्रारि गोर च्युइ लालुला विशेष छ्योकु तासेला मुला । यँयाः पुन्हिला समयाय गोरसोम ला चण्डी, कुमारी थेन आकाश भैरव स्याबा उन्बा लाबा मुला बिसाम १२ दिङ्ला जात्रारि चण्डी, कुमारी, आकाश भैरव, गंगा, महाद्यः, पार्वती, आकाशदेवी, बाराही, महाकाली थेन दक्षिणकाली देवीला स्याबा उन्सेला मुला ।

चु जात्राला ताङरि हनुमानढोकारि मुबा कालभैरव ङोन्छाङ पन्चबलीला छ्याम छ्योकु लाबा रिम मुला । थेह्राङ्नोन लासि याम्बुला सतलरि नोन अनिवार्य लिरि देवगणला स्याबा उन्तोमुला । चु दिङ १२ दिङला जात्राला ताङरि ल्होलो ग्लारि छ्योकुला लागि म्होइजेन खाजिन्बा ग्रा प्रचार प्रसार संयोजक नृपेन्द्रलाल श्रेष्ठसे पिन्जि ।

हल्चोक भैरव समाजला चोहो शेरबहादुर पुतुवारला चोहोदानरि ताबा स्योमि जोम्नारि स्योमिजुगुसे ङ्योइबा ङ्योइबाला निसाल चोहो पुतुवारला छ्याम संरक्षक सागर पुतुवारसे पिन्बा मुबा ।  स्योमि जोम्नारि याम्बु महानगरपालिका १८ वडाचोहो न्हुच्छेकाजी डंगोलसे नोन ह्राङ्ला सेमताम थान्बा मुबा ।

आकाश भैरव जात्राला ताङरि बैशाख १ गते नागार्जुनला छहारीरि थेन आकाश देवीरि निसि छ्यो कु लाबा रिम मुला । थे  छ्योकु लाबा ताङरि बाजा, झ्याली व्हा चिराख गुङरि यखारगिरि ला क्रेबा विश्वास मुला ।

बैशाख २ गते याम्बु १८ ताम्सिपाखारि बासि देवगण स्याबा उन्बा लाला । थेलिच्छा ल्होलो ग्लारि छ्योकु तासेला मुला ।