ललितपुर प्युटार । चुपाल्छेला २०८१ एसईई परीक्षा सञ्चालनला लागि तोबा मुतेबा पुर्वाधार तयार ताजिन्बा कालीदेवी माध्यमिक लोप्खाङला प्रधानाध्यापक ठाकुर  लामा ग्रा पिन्जि ।

बागमती गाउँपालिका न्हाङला गोर डु लोप्खाङला परीक्षा केन्द्र कालीदेवी माध्यमिक लोप्खाङरि तोकतिबा मुला ।

चु परीक्षा केन्द्रला परीक्षारि बोकिन्बा लोप्बोनजुगुरि कालीदेवी मावि माल्टाला नियमित ग्याम्से ३५ छात्रा छात्र थेन ग्रेड ल्हेना ग्याम्से गोर छात्रा छात्र  लासि ४२ म्हे मुला ।

नारापणी मावि गिम्दीला लोप्बोनजुगु नियमित ग्याम्से ३२ छात्रा छात्र थेन ग्रेड ल्हेना ग्याम १० छात्रा छात्र लासि ४२ म्हे मुला ।

विद्याधिश्वरी मावि आश्राङ माविला लोप्बोनजुगु नियममित ग्याम २७ छात्रा छात्र थेन ग्रेड ल्हेना ग्याम ५ छात्रा छात्र लासि ३२ म्हे मुला ।

कालीदेवी मावि प्युटारला लोप्बोनजुगु नियमित ग्याम्से २७ म्हे छात्रा छात्र थेन ग्रेड ल्हेना ग्याम १६ छात्र लासि ४३ म्हे मुला । 

जनक मावि गिम्दीला लोप्बोनजुगु १४ छात्रा छात्र थेन ग्रेड ल्हेना ग्याम ८ छात्र छात्रा लासि २२ म्हे मुला ।

शारदा शिक्षा सदन मावि इकुडोल माझखण्डला लोप्बोनजुगु नियमित ग्याम ८ छात्रा छात्र थेन ग्रेड ल्हेना ग्याम ३ छात्रा छात्र मुला ।

क्योङरि नियमित ग्याम १ सय ४४ म्हे थेन ग्रेड ल्हेनारि ४७ म्हे लोप्बोनजुगुसे परीक्षारि बोकिन्सेला मुला ।

परीक्षा २०८१ चैत्र ७ गते स्ह्यो ८ ङ्ह्यामाहेन्से तिसेला मुला । परीक्षारि जनपथ प्रहरीसे सुरक्षा पिन्सेला मुला ।

परीक्षादा शान्त वातावरण थेन मर्यादित स्होबारि मुतेबा सरोकार पक्षसे ह्राङ्ह्राङ्ला ग्ला ग्याम्से ज्याबा भुमिका क्लाङ्सेला प्रतिबद्धता कालीदेवी माध्यमिक लोप्खाङ डिछ्या समितिसे ङ्योइसाङ लाबा गेताङरि मोक्कोन सरोकारवालासे लाजि ।

गेताङरि बागमती गाउँपालिका चोहो वीरबहादुर लोप्चन, बागमती गाउँपालिका सामाजिक शाखा संयोजक ओसेम वडा नं. ४ ला वडाचोहो रामकुमार लामा थिङ, परीक्षा केन्द्रला चोहो हेमन्त थापा, ग्युइसेर (शिक्षा) प्रतिनिधि स्रोत लोप्खेन दुधराज जिम्बा, आश्राङ प्रहरी चौकी गेदिम प्रतिनिधि, सम्बन्धित लोप्खाङला प्रधानाध्यापक, कालीकादेवी लोप्खाङ डिछ्या समितिला पदाधिकारी, समाजसेवीजुगुसे बोकिन्बा मुला ।