याम्बु । नेपालला मोक्कोन बिमा ल्हाना न्होरला ‘पहिचान पुरस्कार’ चु दिङ व्हाइखाब्रिखेन राजु स्याङ्तानला व्हाइखा पोप ‘ओ पेङ्दोर्जे’दा पिन्जि । चैत ५ गते पिन्बा चु पुरस्कारला न्होर बुम (लाख) ब्लिसे तोङ्जा ङि मुला ।

नेपाल प्रज्ञा प्रतिष्ठान परिसद् ह्रोम्हि ओसेम आमाग्योइ विभाग प्रमुख बिख्रेन राजन मुकारुङला ग्रेनडोन्बोरि ताबा गेताङरि पुरस्कार पिन्बा हिन्ना ।

भोजपुरला चखियारि ङ्योइसाङ लाबा गेताङरि ग्योइकाइब्रिखेन सुमित्रा बाङ्देल ‘चेली’ थेन व्हाइखाब्रिखेन कविता राईसे पुरस्कृत व्हाइखा थेन व्हाइखाब्रिखेनला व्यक्तित्वफिरि टिप्पणी लाबा मुबा ।

पुरस्कृत व्हाइखाब्रिखेन स्याङ्तान कोला क्योन्बाला लागि भारतरि मुबासे थेला प्रतिनिधित्व लाबान प्राज्ञ चन्द रानाहोंछादा पुरस्कार पिन्बा मुबा ।

गेताङ जिन्बा लिच्छा ल्होलो ग्लाग्याम दोगाबा व्हाइखाब्रिखेनजुगुसे व्हाइखा डोबा मुबा ।