नेपाल तामाङ युवा घेदुङ संखुवासभाला गिक्छा अधिवेशन ताबा मुला । माघ ५ गते कामरेकुनु ताबा अधिवेशनग्याम चोहारि सुदिप तामाङ निर्वाचित ताबा मुला । अधिवेशनग्याम १३ ह्रोम्हिला समिति स्होबा मुला ।

कार्यसमितिला ह्रोचोहोजुगुरि चन्द्र बहादुर तामाङ थेन फुलमाया तामाङ, गौराइरि दिपक तामाङ, छ्यागौराइ (सहसचिव) चित्रसेन तामाङ, न्होरचोहो मुना तामाङदा दाम्बा मुला ।

ह्रोम्हि (सदस्य)जुगुरि सोमकुमार तामाङ, हेमकुमार तामाङ, प्रविना तामाङ, पवित्रा तामाङ, प्रदिप तामाङ, राधिका तामाङ, सुमित्रा तामाङदा दाम्बा मुला ।

नेपाल तामाङ घेदुङ संघीय ह्रोम्हि (सदस्य) धनबहादुर तामाङला ग्रेनडोन्बोरि ताबा अधिवेशन खाँदबारीला टुडिखेलरि मुबा ह्युल छोंज धींला सभाहलरि ताबा हिन्ना ।

गेताङरि नेपाल तामाङ घेदुङका प्रदेश ह्रोम्हि सुबास तामाङ, जिल्ला ह्रोचोहो पदम तामाङ, तमु ह्युल छोंज धींला दार्सेला चोहो ओम आदिवासी जनजाति महासंघ जिल्ला ह्रोचोहो मित्र गुरुङला छ्याम स्यान्दो गेन्दुनजुगुला प्रतिनिधिजुगु दोगाबा मुबा ।