धादिङ । चैत २ गते ताबा गिक्छा जोम्नासे नेपाली कांग्रेस पार्टीला भातृ संगठन नेपाल तामाङ संघ, धादिङला चोहोरि अम्बर पाख्रिन निर्विरोध निर्वाचित ताबा मुला ।

कार्यसमितिला ह्रोचोहोजुगुरि सीता तामाङ थेन चालमान तामाङ, गाउराइरि तारावीर तामाङ, छ्यागाउराइरि नमराज तामाङ थेन डम्बरबहादुर मोक्तान निर्वाचित ताबा मुला ।

कार्यसमितिला ह्रोम्हिजुगुरि मर्कुश तामाङ, निरमाया तामाङ, मेन लामा तामाङ, रामबहादुर तामाङ, बसन्ती तामाङ, मंगली तामाङ निर्वाचित ताबा मुला । लेङ्बा ह्रोम्हिजुगु कार्यसमितिसे लिच्छा दाम्सेला मुला ।

जोम्नासे जोङला ल्होलो थुमग्याम केन्द्रीय प्रतिनिधिजुगु नोन दाम्बा मुला । थुम (क्षेत्र) नं. १ ग्याम अशोक लामाला संयोजकरि जीवनसिं तामाङ, जंगबहादुर तामाङ, दिलमाया तामाङ, डम्बरबहादुर तामाङ ह्रोम्हि मुबा केन्द्रीय प्रतिनिधिजुगु दाम्बा मुला ।

थुम (क्षेत्र) नं. २ ग्याम लक्ष्मी तामाङला संयोजकरि सन्तबहादुर तामाङ, अशोक कुमार तामाङ, सीता चोदेन तामाङ, योग बहादुर तामाङ ह्रोम्हि मुबा केन्द्रीय प्रतिनिधिजुगु दाम्बा मुला ।

थुम (क्षेत्र) नं. २ ला प्रदेश (क)ग्याम बागमती प्रदेश प्रतिनिधिजुगु नोन दाम्बा मुला । बागमती प्रदेश प्रतिनिधिरि पदम तामाङला संयोजकरि बुद्धि मान तामाङ, पोतेमाया तामाङ, सुघा तामाङ, आशामाया तामाङ, छ्यो तामाङ, फुलमाया तामाङ ह्रोम्हिजुगु दाम्बा मुला ।

थुम (क्षेत्र) नं. २ ला प्रदेश (ख)ग्याम बागामती प्रदेश प्रतिनिधिरि कान्छामान लामा तामाङला संयोजकरि आइती माया तामाङ, जीउ बहादुर तामाङ, कान्छी माया तामाङ, करण तामाङ, अजय थापा तामाङ, रोजिता तामाङ ह्रोम्हिजुगु दाम्बा मुला । लेङ्बा प्रतिनिधिजुगु चुनोन हप्तारि दाम्सेला मुला ।

अधिवेशन नेपाली कांग्रेस पार्टीला केन्द्रीय ह्रोम्हि ओसेम ङ्हाच्छाला कानुन राज्यलोन्पो दिलमान पाख्रिनला ग्रेनडोन्बोरि ताबा मुबा । ग्रेनडोन्बो पाख्रिनसे नेपालला मुतेबा आदिवासी, जनजाति थेन तामाङजुगुला ग्योइ, रिमठम, याङ्तामदा सोना, छार्ना थेन ल्हेना लाबारि नेपाली कांग्रेससे संविधानरि ब्रिसि संरक्षण लाबा थेन लोकतान्त्रिक ग्यालाम ठ्वाङ्बा गे लाबा मुला बिसि पाङ्जि ।  

गेताङला डोन्बो तामाङ संघला केन्द्रीय ह्रोम्हि ओसेम बागमती प्रदेश संयोजक बिलाम मुक्तानसे तामाङ संघ २०६३ बैशाख ३ गतेकुनु स्हेङ्सि ह्रेङ्बा दुइदोना अधिवेशन आतामा तामाङ नेतृत्वरि दोआखाम्बा बिसि गुनासो थान्जि । थेसे पाङ्जि, ‘ह्याङ सक्रिय आतामा ७६ जोङरि तामाङ समुदाय चिबा तासाइ नोन ६४ जोङरि जेक्खे संगठन स्होखाम्बा सम्भावना मुला । दातेदोना ४३ जोङरि संयोजक तोकतिसाइ तिनिदोना अधिवेशन बिसाम २२ जोङरि जेक्खे ताबा मुला । चु धादिङ जोङला ३ लाख २५ हजार ७ सय १० म्हे जनसंख्यारि तामाङ जेक्खे ७२ हजार २ सय ७२ म्हे मुला । तिनि चु गेताङरि ग्यार्जा ङि सुताइ तामाङजुगु छोबा आरे । कादे स्हुला (दुःखको) ताम ।’

थेसे ह्राङ्ला सेमताम थान्जि, ‘ह्याङ्से ग्लेठिम गोबारि आखाम्बा थेन गोबारि आम्हाइबाला परिणाम हिन्ना चु । दारे तामाङ संघसे तामाङदा ग्लेठिम गोना लाबा, शैक्षिक थुमरि बाङ पिन्बा, तामाङ ग्योइदा सरकारी गेदोइला ग्योइरि प्रयोगरि बाबारि भुमिका क्लाङ्तोला ।’

थेसे तामाङ ग्योइदा सरकारी गेदोइरि प्रयोग तामाहेन्से बागमती प्रदेश प्रशासन, अड्डा अदालत थेन स्थानीय तहरि तामाङ कर्मचारी ल्हानान नियुक्त ताखाम्ला बिसि पाङ्जि ।

गेताङरि विशेष डोन्बो नेपाली कांग्रेस, बागमती प्रदेशला सचेतक माननीय गोविन्द लम्साल, प्रदेश माननीय शिवराज अधिकारी मुबा ।

गेताङरि नेपाली कांग्रेसला जिल्ला पदाधिकारी, क्षेत्रीय प्रदेशला प्रतिनिधि, भातृ संगठनला नेताजुगु, धादिङ जिल्लाला १३ ग्लाला स्थानीय तामाङ जनप्रतिनिधिजुगुसे बोकिन्बा मुबा ।

गेताङरि विशिष्ट डोन्बो सचेतक लम्सालला छ्याम २५ म्हे बिमा ल्हाना डोन्बोजुगुसे अधिवेशनदा ज्याबाम्हान्बा पिन्बा मुबा ।