धादिङ । खनियाबास गाउँपालिकासे बेने २४ गते खानियाबास गाउँपालिकारि दर्ता मुबा आमा समुहजुगुदा ह्रुप्सि म्हेन्दोमाया प्रतियोतिाला ङ्योइसाङ लाबा मुला ।

खनियाबास गाउँपालिका थेन प्रयास नेपाल धादिङला संयुक्त ङ्योइसाङरि ११५ छा स्यानह्युल (अन्तर्राष्ट्रिय) जामेकोला दिवसला दुइसाङरि चु प्रतियोगिता स्हेङ्बा हिन्ना ।

गेताङ खनियाबास गाउँपालिकाला गेदिमरि स्ह्योला ११ ङ्ह्यामाहेन्से तासेला मुला । गेताङला ग्रा किन्बारि अन्जिता तामाङला ९८६५०५३८८२ मोबाइल नम्बररि सम्पर्क लाबारि म्होइजेन लाबा मुला ।

गाउँपालिकाला ह्रोचोहो सेक्केमान तामाङला आन्सार मौलिक लोकवार्ता संरक्षण थेन संवर्धनमा लाबारि चुह्राङ्बा गेताङ स्हेङ्बा हिन्ना ।

प्रतियोगितारि बोकिन्बा आमा समुहदा ह्राङ्ला तामाङ गोइलोरि खाबारि अनिवार्य लाबा मुला । कान थेन दिगुला डिछ्या गाउँपालिकासे लाबा मुला बिसाम वडा नं. ४ बिमा स्यान्दो वडाला समुहदा १ हजार ५ सय यातायात खर्च पिन्सेला मुला ।

प्रतियोगितारि गिक्छा ताबादा १० हजार, ङ्हीछा ताबादा ७ हजार, सोमछा ताबादा ५ हजार थेन सान्त्वना याङ्बादा २ हजार ५ सय न्होर पुरस्कार पिन्सेला मुला ।