ललितपुर । नेपाल तामाङ महिला घेदुङला पहलरि Cultural Survival गेन्दुनसे लाबा न्होर ह्रोरि ललितपुरला कोन्ज्योसोम वडा नं. २ शंखु थेन वडा नं. ३ दलचोकीरि राहत बोलाजि ।

नेपाल तामाङ महिला घेदुङला चोहो संगीता बम्जन तामाङला आन्सार निबा असोज लाला ११ थेन १२ गतेला ग्रेन नामसे खाबा होन थेन डुइसे दिमव्हारा ब्योङ्बा १९ दिमधुरीदा चु राहात बोलाबा हिन्ना । छ्यामरि ज्ञान ज्योति आधारभुत लोप्खाङ्दा नोन राहत पिन्बा मुबा ।

थे होन पीडितजुगु थेन लोप्खाङदा साँढे २ बण्डलदा दरसे जस्तापाता बो लाबा मुबा । जस्तापाताला छ्याम गेताङरि महिला घेदुङसे ह्रुप्बा माकाइ नोन पीडितजुगुदा बोलाबा मुबा ।

चु राहत बोलाबा गेताङला लागि न्होर ह्रो म्हाइबारि पहल लाबा रमिता बल, मायालु ङेसुर, हिरा तामाङदा महिला घेदुङला चोहो संगीता बम्जन तामाङसे थुजेछे पिन्बा मुला ।

चुह्राङ्नोन लासि माकाइ ग्लुबारि न्होर ह्रोलाबाजुगुदा नोन ल्हानान ल्हानान थुजेछे पिन्बा मुला ।

मकाइ पिन्बा दाताजुगुः

१, सुकुलाल बम्जन तामाङ १० हजार च्योच्योला माकाइ, २, श्याम वाईवा तामाङ ५ हजार ५ रुपैयाँ च्योच्योला माकाइ, ३, रुपा माया तामाङ नगद १ हजार १ सय ५ रुपैयाँ च्योच्योला माकाइ, ४, भुवन बम्जन तामाङ ९ पाथी, ५, ठाकुर बम्जन तामाङ– ५ पाथी, ६, संगीता बम्जन तामाङ –७ पाथी, ७, मिङ्मा लामा –५ पाथी, ८, हिरालाल बम्जन तामाङ –२ पाथी, ९, ङेमा ब्लोन तामाङ ४ पाथी, १०, ढल्की माया बम्जन– ३ पाथी, ११, प्रमिला गोले तामाङ– २ पाथी, १२, बोम्बोराज घिसिङ –२ पाथी, १३, विकाश घिसिङ –२ पाथी, १४, विरेन्द्र ग्लान तामाङ –२ पाथी, १५, जमुना ब्लोन तामाङ २ पाथी, १६, तिलक ब्लोन तामाङ –२ पाथी माकाइ ।

महिला घेदुङ चोहो बम्जनसे ह्रुप्बा माकाइदा बोलाबा ग्लादोना साबारि ह्रो लाबा लक्ष्मण घिमिरे, लोडअनलोडरि ह्रो लाबा रत्न घिसिङदा नोन थुजेछे पिन्बा मुला ।