याम्बु ।  तामाङ ग्योइकाइबिख्रेन योकबहादुर घिसिङ ‘योगेश राल्फाली’दा नेपाल आदिवासी जनजाति उत्थान राष्ट्रिय प्रतिष्ठानले ‘राष्ट्र मातृभाषा सेवा पुरस्कार’ पिन्सेला ताबा मुला । स्यानह्युल (अन्तराष्ट्रिय) आमाग्योइ दिवसला दुइसाङरि दिङ्दाङ्सेन पिन्सि खाबा पुरस्कार चु दिङरि राल्फालीदा पिन्सेला प्रतिष्ठानसे निर्णय लाबा हिन्ना ।

पुरस्कारला टंगा बुुम गिक मुला । राल्फालीदा आमाग्योइरि ब्रिगु स्याङ्सि लाबा योगदानदा डेन लाबान पुरस्कार पिन्सेला ताबा हिन्ना । न्हाङगार आमाग्योइ दिवसला दुइसाङरि छारबानेश्वररि स्हेङ्बा गेताङरि पुरस्कार फुल्सेला प्रतिष्ठानला प्रशासकीय अधिकृत सुचित्रा रानाले ग्रा पिन्जि ।

राल्फालीसे गोरसोम ज्यार्दि ग्योइरि ब्रिबा मुला बिसाम तामाङ ग्योइरि ह्वाइखा, मुक्तक, ब्रिताम, तांका, हाइकु, गजल, राप, ग्रेनरापछ्यामला विधारि च्युइगिकसे गोरसोम छ्योइ तेसिजिन्बा मुला ।