याम्बु । नेपाल तामाङ विद्यार्थी घेदुङ संघीय समिति थेन नेपाल तामाङ विद्यार्थी घेदुङ वागमती प्रदेश समितिला डिछ्यारि बेने ६ गते मंगलबारकुनु काठुइला छ्याम सांस्कृतिक गेताङ लासेला ग्रा मुला ।

मन्जुश्री सम्वत २८६१ डुल (सापुख्रि) ल्होला सोनाम ल्होछारला दुइसाङरि स्हेङ्बा चु गेताङ नेपाल ल क्याम्पस, प्रदर्शनीमार्ग, याम्बुरि तासेला मुला । गेताङ रेला ३ ङ्ह्यामाहेन्से तिसेला मुला ।

कानुन, न्याय तथा संसदीय मन्त्रालयला शाखाअधिकृत शान्ति तामाङला ग्रेनडोन्बारि तासेला चु गेताङरि काइपा अर्पण थिङ तामाङ, मोडल रिया लामा (मिस तामाङ २०२४) से ह्राङ्ह्राङ्ला प्रस्तुती उन्सेला मुला ।

गेताङ विद्यार्थी घेदुङ नेपाल ल क्याम्पस इकाइसे ङ्योइसाङ लाबा हिन्ना ।