नेपाल प्रवासी तामाङ समाज, कतारसे २८६१ सापुख्रि (डुल) ल्होला सोनाम ल्होछार दाङ्जि । समाजसे ल्होछारला दुइसाङरि ‘२८६१ सोनाम ल्होछार ज्याबाम्हान्बा किन्बा पिन्बा थेन सांस्कृतिक गेताङ’ स्हेङ्बा मुबा ।

नेपाल आदिवासी जनजाति महासंघ, कतारला चोहो डिएन मगरला चोहोदानरि ताबा चु गेताङरि विशेष डोन्बो गैरआवासीय नेपाली संघ, राष्ट्रिय समन्वय परिषद कतारला ग्रेनगौराइ रविन मगर मुबा ।

गेताङला छ्यासंयोजक भिमबहादुर मम्ब तामाङला आन्सार ल्होछार छ्योकु डिबा समुहला लामा गुरुजुगुग्याम छ्योकु लासि गेताङला ठ्वाङ्सेन लाबा मुबा ।

अल दोशरी पार्क सहनिया चिडियाखानारि ताबा गेताङरि चाबास्हेला डिछ्या रोयल नेपाली रेष्टुरेन्टसे लाबा मुबा ।

तामाङ समाज कतारसे गेताङ सफल ताना लाबारि ह्रो लाबा कतारला नेपाल आदिवासी जनजाति महासंघ, तामाङ समाज कतारला संरक्षक, प्रमुख ग्रोइपा, विशेष ग्रोइपा, ग्रोइपाजुगु, लामागुरु, कार्यसमिति पदाधिकारी, छ्याङ्योइसाङ (सहआयोजक) म्हेन्दोमाया समाज कतार, नेपाल तामाङ कलाकार संघ कतार, नेपाली महिला समाज कतारला चोहो माया केसीला, समाजेसेवी, बुद्धिजीवि, कलाकार, विभागीय प्रमुख, शुभेच्छुक, स्योमि थेन न्होर ह्रो लाबाजुगुदा थुजेछे पिन्बा मुला ।

तामाङ समाज कतारला चोहो सुवास पाख्रिन तामाङ, ग्रेनगौराइ बहादुर पाख्रिन थेन का.वा. चोहो आशिष मोक्तान तामाङसे खाबा रेजुगुरि नोन चुह्राङ लासि समाजला गेताङदा सफल ताना लाबारि ह्रो याङ्सेला विश्वास किन्बान थुजेछे फुल्बा मुला । 
 

गेताङरि कलाकार संयोजक काइपा कुमार ओख्रेली, गैरआवासीय नेपाली तारा २०२३ कोबा विधाला डाबा रुस्तम तामाङ, स्याबा विधाला स्यानडाबा (उपविजेता) सरोज लामा, काइमो सरला तामाङ, सुरेश बिसी, शान्ति ओली, सृष्टि तामाङ, डिजे बुद्ध, काइपा अमृत घिसिङतेन स्यान्दो कलाकारजुगुसे ह्राङ ह्राङ्ला प्रस्तुती उन्बा मुबा ।