ज्योति विकास बैंकसे चितवन जिल्ला, खैरहनी वडा नं. ६ रि मुबा खैरहनी माध्यमिक लोप्खाङदा बैंकला सामाजिक उत्तरदायित्व अन्तरगत ‘ह्याङ्ला विकास ल्हेना लाबा कोष’ ग्याम्से ३० थान डेस्क–बेन्चजुगु बोठाबा मुला । बैंकसे माघ २० गते जारी लाबा वक्तव्य आन्सार बैंकसे लोप्खाङरि डोबा लोप्बोनजुगुला शैक्षिक वातावरण सुधार लाबारि च्याङ्नारि भौतिक पूर्वाधाररि योगदान छ्योना लाबा थेन मुतेबा शैक्षिक अनुभवरि सुधार बाबा उद्देश्यला छ्याम थे ह्रो लाबा हिन्ना । चु ह्रो लिच्छा लोप्बोनजुगुसे डेस्क बेन्चला उपयोग लासि देबाः लिरि डोबा वातावरण स्हेङ्बारि सुधार तासेला बैंकसे अपेक्षा लाबा मुला ।

लोप्खाङरि ङ्योइसाङ लाबा याखारगि गेताङरि ज्योति विकास बैंक ग्याम्से बैंकला पर्सा शाखाला प्रबन्धक यज्ञराज भट्टग्याम लोप्खाङला पधानाध्यापक गोपाल प्रसाद शर्मादा थे डेस्क–बेन्चजुगु पिन्बा हिन्ना । गेताङरि लोप्खाङला लोप्खेन थेन लोप्बोनजुगु थेन बैंकला प्रतिनिधिजुगुला सुताइ उपस्थिति मुबा ।

बोठाबा गेताङरि ताम थान्बान प्रधानाध्यापक गोपाल प्रसाद शर्मासे शिक्षारि गुणस्तरीय पूर्वाधारला महत्वरि बाङ पिन्बान सकारात्मक थेन समृद्ध शैक्षिक वातावरण स्हेङ्बारि बैंकला ह्रोफिरि कृतज्ञता फुल्जि । डेस्क–बेन्चला डिछ्या ताबातेन बोक्टो दोबा डेस्क–बेन्चजुगुला कारण लोप्बोनजुगुदा ताबा असुविधा जिन्बा बिसि थेसे ताङ्बा उन्जि । ज्योति विकास बैंकसे सामाजिक उत्तरदायित्व अन्तरगत ह्युलला ल्होलो ग्लारि सामाजिक गेजुगु निरन्तर लिरि लासिकेन खाजिबा मुला ।